Марк Аляксандравіч Асвяцімскі

Марк Аляксандравіч Асвяці́мскі (24 красавіка 1886, г. Слуцк — 10 лістапада 1938) - беларускі палітычны дзеяч.

Марк Аляксандравіч Асвяцімскі
Род дзейнасці	палітык
Дата нараджэння	24 красавіка 1886(1886-04-24)
Месца нараджэння	Слуцк, Слуцкі павет, Мінская губерня, Расійская імперыя
Дата смерці	10 лістапада 1938(1938-11-10) (52 гады)
Месца смерці	Гомель, Гомельская вобласць, БССР, СССР

Біяграфія

Да 1918 года ў расійскай партыі эсэраў. У 1919—1920 гадах член ЦК Беларускай партыі сацыялістаў-рэвалюцыянераў (БПС-Р), у 1919—1924 гадах старшыня яе Слуцкага камітэта, член культурна-асветнага таварыства «Папараць-кветка» ў Слуцку. У 1920 годзе член Беларускай рады Случчыны, узначальваў вярбовачны пункт Беларускай вайсковай камісіі ў Слуцку. У 1919 і 1921 гадах быў арыштаваны ВЧК. У 1924 годзе адышоў ад палітычнай дзейнасці. У 1930-я гг. працаваў эканамістам Гомельскага тлушчакамбіната. 11 лютага 1938 года арыштаваны, 1 лістапада 1938 года прыгавораны да вышэйшай меры пакарання. Рэабілітаваны 13 ліпеня 1960 года.

Літаратура

• Асвяцімскі Марк Аляксандравіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).