Мікалай Антонавіч Міцкевіч

Мікала́й Анто́навіч Міцке́віч, таксама Мікола Міцкевіч (16 студзеня 1901, Парычы, цяпер Светлагорскі раён, Гомельская вобласць — 23 лютага 1954) — беларускі рэжысёр і акцёр. Заслужаны дзеяч мастацтваў БССР (1949).

Мікалай Антонавіч Міцкевіч
Дата нараджэння	16 студзеня 1901(1901-01-16)
Месца нараджэння	Парычы, Бабруйскі павет, Мінская губерня, Расійская імперыя
Дата смерці	23 лютага 1954(1954-02-23) (53 гады)
Грамадзянства	Расійская імперыя  СССР
Адукацыя	Беларуская драматычная студыя (1926)
Прафесія	акцёр, рэжысёр
Тэатр	Нацыянальны акадэмічны драматычны тэатр імя Якуба Коласа Першае беларускае таварыства драмы і камедыі
Узнагароды
Медыяфайлы на Вікісховішчы

Біяграфія

Сябры былога Першага таварыства беларускай драмы і камедыі, ператворанага ў Дзяржаўны тэатр Беларускай Народнай Рэспублікі. Унізе ў цэнтры сядзяць маладыя артысты трупы: Мікола Міцкевіч, Вера Тарасік. У 2-м радзе ў цэнтры сядзяць (злева направа): Усевалад Фальскі, Язэп Варонка (старшыня Народнага акратарыята Беларусі), Фларыян Ждановіч. У 3-м радзе: Міхась Гурскі, Уладзіслаў Галубок. Менск, красавік 1918 года

Скончыў Беларускую драматычную студыю ў Маскве (1926). У 1918—1920 гадах акцёр Першага таварыства беларускай драмы і камедыі. З 1926 года ў Беларускім тэатры імя Якуба Коласа (у 1931—1933 гадах мастацкі кіраўнік), у 1934—1941 гадах рэжысёр тэатраў ва Украіне.

Творчасць

Сярод роляў у БДТ-2: Адольф, («Цар Максіміліян»), Галадуха («Сон у летнюю ноч» У. Шэкспіра), фон Штубэ («Разлом» Б. Лаўранёва), Гадзіншчык («Крамлёўскія куранты» М. Пагодзіна). Стварыў яркія спектаклі па п’есах беларускіх аўтараў «Качагары» І. Гурскага (1931), «Заложнікі» А. Кучара (1944), «Пяюць жаваранкі» К. Крапівы (1950).

Літаратура

• Міцкевіч Мікалай Антонавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 489. — 10 000 экз. — ISBN 985-11-0035-8. — ISBN 985-11-0169-9 (т. 10).
• Міцке́віч Мікалай Антонавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 499. — 800 с. — 5 000 экз. — ISBN 985-11-0026-9.

Спасылкі

• Мікалай Міцкевіч. Ён стаяў ля самых вытокаў… (Да 115-годдзя з дня нараджэння заслужанага дзеяча мастацтваў Беларусі Мікалая Міцкевіча, аднаго з заснавальнікаў Коласаўскага тэатра)
• Николай Мицкевич // КИНО-ТЕАТР.РУ