Міхась Уладзіміравіч Барэйша

Міхась Уладзіміравіч Барэйша (нар. 4 студзеня 1950, в. Новы Лад, Верхнядзвінскі раён, Віцебская вобласць — 13 жніўня 1990, Беларусь) — беларускі паэт, празаік, перакладчык. Член Саюза пісьменнікаў СССР (1989). Член Саюза журналістаў СССР (1981).

Міхась Уладзіміравіч Барэйша
Асабістыя звесткі
Дата нараджэння	4 студзеня 1950(1950-01-04)
Месца нараджэння	Новы Строй, Дзёрнавіцкі сельсавет, Дрысенскі раён, Полацкая вобласць, БССР, СССР
Дата смерці	13 жніўня 1990(1990-08-13) (40 гадоў)
Месца смерці	Беларусь
Пахаванне	Наваполацк
Грамадзянства	СССР
Альма-матар	Наваполацкі дзяржаўны політэхнічны тэхнікум факультэт журналістыкі БДУ
Месца працы	Полацкі веснік Палімір
Прафесійная дзейнасць
Род дзейнасці	пісьменнік, празаік, перакладчык
Грамадская дзейнасць
Член у	Таварыства беларускай мовы імя Францішка Скарыны Саюз пісьменнікаў СССР Саюз журналістаў СССР[d] Наддзвінне

Біяграфія

Вучыўся ў Дзёрнавіцкай васьмігодцы, з 1965 па 1969 год. Скончыў Наваполацкі нафтавы тэхнікум. Працаваў на Полацкім хімічным камбінаце. Адначасова скончыў завочна факультэт журналістыкі Белдзяржуніверсітэта. Служыў на Балтыйскім флоце, працаваў і жыў у Наваполацку.

З’яўляўся няштатным карэспандэнтам гарадской газеты «Химик». З 1980 года — карэспандэнт, з 1983 — намеснік рэдактара полацкай аб’яднанай газеты «Сцяг камунізму». Кіраваў літаратурным аб’яднаннем «Наддзвінне», быў намеснікам старшыні полацкай суполкі Таварыства беларускай мовы.

Пасля цяжкай хваробы памёр. Быў пахаваны ў Наваполацку, па іншай інфармацыі на могілках каля вёскі Новы Лад.

Творчасць

Друкавацца пачаў у 1973 годзе. У рэспубліканскім друку дэбютаваў у 1980 годзе. Апавяданні публікаваліся ў калектыўным зборніку «Сустрэча», анталогіі «Апавяданні пра Вялікую Айчынную». Героі твораў пісьменніка — людзі, якія імкнуцца адшукаць свой шлях у жыцці, нясуць адказнасць за ўсё, што ў ім адбываецца. Падзеі ваенных гадоў аналізуюцца аўтарам з пазіцый сённяшняга дня.

У 1980 годзе за публікацыю апавяданняў у часопісе «Маладосць» яму прысуджана прэмія гэтага выдання. М. Барэйша быў удзельнікам VIII Усесаюзнай нарады маладых літаратараў у Маскве.

Аўтар гумарэсак, нарысаў, эсэ.

Літаратура

• Міхась Барэйша // Беларускія пісьменнікі (1917—1990) : даведнік / склад. А. К. Гардзіцкі. — Мінск : Мастацкая літаратура, 1994. — С. 51.
• Урупіна, Г. М. Барэйша Міхась / Г. М. Урупіна // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.]; маст. рэд. В. Г. Загародні. — Мінск : БелЭн, 1992. — Т. 1 : Абуховіч-Ватацы. — С. 259—260.

Спасылкі

• Барэйша (Міхась) Міхаіл Уладзіміравіч на сайце анлайн-энцыклапедыі «Беларусь у асобах і падзеях»