Мікалай Цітавіч Гардзеенка

Мікалай Цітавіч Гардзеенка (18 верасня 1938, в. Клівы, Хойніцкі раён, Гомельская вобласць) — беларускі архітэктар.

Мікалай Цітавіч Гардзеенка
Дата нараджэння	18 верасня 1938(1938-09-18) (85 гадоў)
Месца нараджэння	Клівы, Хойніцкі раён, Палеская вобласць, БССР, СССР
Альма-матар	БПІ (1967)
Месца працы	Белдзяржпраект БелНДІПгорадабудаўніцтва Мінскпраект аддзел будаўніцтва і гарадской гаспадаркі ЦК КПБ[d] Белрамдарпраект[d]
Член у	Саюз архітэктараў СССР Беларускі саюз архітэктараў

Біяграфія

Малодшы брат мастака Уладзіміра Гардзеенкі.

Скончыў Беларускі політэхнічны інстытут у 1967 годзе. Працаваў у Белдзяржпраекце, БелНДІПгорадабудаўніцтва, галоўным архітэктарам праектаў у Мінскпраекце, з 1976 года — інструктар аддзела будаўніцтва і гарадской гаспадаркі ЦК КПБ, з 1981 года — дырэктар Мінскпраекта, з 1987 года — намеснік дырэктара Белрамдарпраекта па архітэктуры.

Член Саюза архітэктараў СССР з 1971 года. Член КПСС з 1960 года. Пражывае ў г. Мінску.

Творчасць

Асноўныя працы (у аўтарскім калектыве): ПДП цэнтра Магілёва (1968), Цэнтральнага раёна Мазыра (1968), зоны НДІ Акадэмгарадка АН БССР, раёна Рылаўшчына (1970), праект забудовы эксперыментальнага мікрараёна Захад-1 (1979) у Мінску.

Літаратура

• Гордеенко Николай Титович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)