Навабеліцкі раён

Навабеліцкі раён (руск.: Новобелицкий район) — адміністрацыйна-тэрытарыяльная адзінка (гарадскі раён) у складзе горада Гомеля. Размешчаны, у адрозненне ад астатняй тэрыторыі горада, на левым беразе ракі Сож, у паўднёваўсходняй частцы горада. У Навабеліцкім раёне жыве 50,0 тыс. чалавек (2005), што складае каля 10 % насельніцтва Гомеля; плошча раёна больш за 2 тыс. га. Галоўная вуліца — вуліца Ільіча, выцягнутая з поўначы на поўдзень, пачынаецца адразу за аўтамабільным мостам цераз раку Сож і пераходзіць у Чарнігаўскую шашу. Другая па значнасці вуліца — Севастопальская, крыху разгружае цэнтральную частку вуліцы Ільіча ад грузавога транспарту.

Навабеліцкі раён
Герб Сцяг
Краіна	Беларусь
Статус	Унутрыгарадскі раён
Уваходзіць у	Гомель
Дата ўтварэння	1940 і 1951
Дата скасавання	1948
Глава адміністрацыі	Аляксей Анатолевiч Васючэнка
Вышыня над узроўнем мора	122 м
Тэлефонны код	+375 232
Код аўтам. нумароў	3
Медыяфайлы на Вікісховішчы

Раёны Гомеля. Навабеліцкі раён выдзелены светла-жоўтым колерам

Гісторыя

Скульптурная кампазіцыя на ўездзе ў Навабеліцкі раён (з боку Цэнтральнага раёна)

Асноўны артыкул: Новая Беліца (Гомель)

У 1896—1914 гадах у мястэчку Новая Беліца працавала Навабеліцкая лесапільная фабрыка, вырабляла дошкі. У 1900—1913 гадах на фабрыцы была паравая машына (80 к.с.). У 1908—1910 гадах працавалі 64 чалавекі.

У 1897—1908 гадах у мястэчку Новая Беліца працаваў Навабеліцкі спіртаачышчальны завод, меў паравую машыну (8 к.с.). У 1905 годзе выраблена 143,1 тыс. вёдзер 40-градуснай гарэлкі. У 1908 годзе працавала 57 рабочых.

У 1911—1913 гадах у мястэчку Новая Беліца дзейнічаў Навабеліцкі лесапільна-бандарны завод, вырабляў дошкі, брусы, палубнік, клёпку. Меў паравы рухавік (57 к.с.). У 1913 годзе працавала 90 чалавек.

Водныя аб’екты

Праз раён (паралельна вул. Зайцава) цячэ ручай Масцішча

Гл. таксама

• Сцяг Навабеліцкага раёна
• Герб Навабеліцкага раёна

Літаратура

• Гомель. Энцыклапедычны справачнік. — Мн.: БелСэ, 1991. — 527 с.

Спасылкі

• На Вікісховішчы ёсць медыяфайлы па тэме Навабеліцкі раён
• Афіцыйны сайт Навабеліцкага раёна Гомеля