Надзея Мікалаеўна Астапчук

беларуская лёгкаатлетка

Надзея Мікалаеўна Астапчук (нар. 28 кастрычніка 1980, в. Вялікія Арлы, Столінскі раён, Брэсцкая вобласць, БССР) — беларуская лёгкаатлетка. Рэкардсменка Беларусі ў штурханні ядра.

Лёгкая атлетыка
Надзея Астапчук
Агульная інфармацыя
Пол ж
Поўнае імя Надзея Мікалаеўна Астапчук
Спецыялізацыя штурханне ядра
Клуб БФСТ «Дынама»
Нарадзілася 28 кастрычніка 1980(1980-10-28)[1] (42 гады)
Грамадзянства Сцяг Беларусі Беларусь
Трэнеры А. М. Яфімаў
Рост 180 см
Вага 95 кг
IAAF 134067
Асабістыя рэкорды
Ядро 21.09 (2005) NR
Асабістыя рэкорды ў памяшканні
Ядро 20.56 (2003) NR
Апошняе абнаўленне: 22 ліпеня 2012
Лагатып Вікісховішча Медыяфайлы на Вікісховішчы

Біяграфія Правіць

На Алімпійскіх гульнях 2004 заняла 4-е месца. Чэмпіёнка свету 2005, 2010. Чэмпіёнка Еўропы 2005, 2010, сярэбраны прызёр Чэмпіянату Свету 2001, 2003, 2007, 2008, 2011, 2012 і Чэмпіянату Еўропы 2006.

На Летніх Алімпійскіх гульнях 2008 у Пекіне Надзея Астапчук атрымала бронзавы медаль у штурханні ядра. Пазней у яе аналізах выяўленыя забароненыя рэчывы дэгідрахлорметылтэстастэрон (турынабол) і тамаксіфен, у 2017 яна пазбаўленая медаля.

На Алімпійскіх гульнях 2012 года ў Лондане ў штурханні ядра паказала найлепшы вынік сярод усіх спартсменак. Аднак у яе допінг-пробах (першая была ўзята напярэдадні спаборніцтваў, другая — адразу пасля іх завяршэння) быў выяўлены забаронены прэпарат метэналон. На падставе станоўчых проб па рэкамендацыі Дысцыплінарнага камітэта Выканаўчым камітэтам МАК Надзея Астапчук дыскваліфікавана ў алімпійскіх спаборніцтвах, выключана са складу ўдзельнікаў Алімпіяды 2012 года, абавязана вярнуць медаль і дыплом[2].

18 жніўня падпісала адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі прэзідэнцкія выбары ў Беларусі 2020 года[3].

Дасягненні Правіць

  • Чэмпіянат свету сярод юніёраў 1998 — золата
  • Чэмпіянат свету ў памяшканні 2001 — серабро
  • Чэмпіянат свету ў памяшканні 2003  — серабро
  • Чэмпіянат свету 2003 — серабро
  • Летнія Алімпійскія гульні 2004 — 4-е месца
  • Чэмпіянат Еўропы ў памяшканні 2005 — золата
  • Чэмпіянат свету 2005 — золата
  • Лідар сусветнага сезону-2005
  • Чэмпіянат Еўропы 2006 — серабро
  • Лідар сусветнага сезону-2006 — 20,56 м
  • Чэмпіянат свету 2007 — серабро
  • Лідар сусветнага сезону-2008
  • Чэмпіянат свету ў памяшканні 2010 (Катар, Доха) — золата (20,85)
  • Чэмпіянат Еўропы 2010 (Барселона) — золата (20,48)

Зноскі

Спасылкі Правіць