Над Нёманам (фільм)
«Над Нё́манам» — беларускі дакументальны фільм рэжысёра Андрэя Куцілы, зняты на тэлеканале «Белсат» у 2020 годзе[1].
Над Нёманам | |
|---|---|
| Над Нёманам | |
| Жанр | дакументальны фільм |
| Рэжысёр | |
| Сцэнарыст | |
| Аператар | |
| Кінакампанія | Белсат |
| Працягласць | 41 хв. |
| Краіна | |
| Мова | беларуская |
| Год | 26 снежня 2020 |
Сюжэт правіць
Маленькі Гоша жыве ў Орлі над Нёманам і пакуль не вызначыўся, кім быць. Ягоны дзядуля амаль усё жыццё прысвяціў працы ў мясцовым шпіталі, а тата ўзначальвае амбулаторыю — цэнтр мясцовае «цывілізацыі».
Сюды з аколіцы штодня сцягваецца народ — падлячыцца ды пагутарыць. Па абедзе шасцігадовы хлопчык назірае, як тата, зняўшы доктарскі халат, упарта круціць балты ды гайкі, спрабуе чарговы раз вярнуць да жыцця стары савецкі камбайн — фермеру трэба ехаць у поле малаціць жыта, пасля заганяць авечак і даіць кароў. Гоша дапамагае ды адначасна спазнае навакольны свет.
На ўскрайку вёскі месцяцца старыя жыдоўскія могілкі. Мала хто з цяперашніх вяскоўцаў згадвае, што сталася з былымі насельнікамі — іншае жыццё, іншыя клопаты. Доктар распавядае сыну гісторыю мястэчка, марыць, што Гоша застанецца працаваць на роднай зямлі. Аднак пакуль хлопчык проста жыве, усміхаецца, гуляецца. На тое яно і дзяцінства, каб не думаць пра будучыню.
Здымачная група правіць
- аўтары сцэнарыя — Раіса Грыбянюк, Андрэй Куціла
- рэжысёр, аператар, мантаж — Андрэй Куціла
- асістэнт рэжысёра — Вікторыя Шаблоўская
- гукарэжысёр — Яраслаў Шпак
- карэкцыя колеру — Аліса Тумашэўская
- рэдактар — Юрый Каліна
Зноскі
- ↑ Кацяловіч, Ірэна (28 снежня 2020). "Глыбінка, дзе жыве толькі мінулае: Андрэй Куціла зняў фільм на хайповай Шчучыншчыне". Белсат. Праверана 2021-02-11.
Спасылкі правіць
- «Над Нёманам» на YouTube
- Интонации несбывшихся надежд в фильме «Над Неманом», снятого на хайповой «Шчучыншчыне» Архівавана 19 студзеня 2021. на NewGrodno.by
- Глубинка, где живет только прошлое: Андрей Кутило снял фильм на хайповой Щучинщине(недаступная спасылка) на s13.ru