Напружанасць магнітнага поля

Напру́жанасць магні́тнага по́ля — вектарная фізічная велічыня, якая характарызуе магнітнае поле.

Напружанасць магнітнага поля
${\vec {H}}$
Размернасць	L−1I
Адзінкі вымярэння
СІ	А/м
СГС	Э
Заўвагі
вектарная велічыня

У Міжнароднай сістэме адзінак (СІ), напружанасць магнітнага поля роўная геаметрычнай (вектарнай) рознасці магнітнай індукцыі ${\vec {B}}$, падзеленай на магнітную пастаянную μ₀, і намагнічанасці асяроддзя ${\vec {J}}$:

${\vec {H}}={\frac {1}{\mu _{0}}}\,{\vec {B}}-{\vec {J}}.$

Для ізатропных асяроддзяў

${\vec {H}}={\frac {1}{\mu \mu _{0}}}\,{\vec {B}}.$

Калі аднародны і ізатропны магнетык поўнасцю запаўняе ўсю прастору з магнітным полем, напружанасць магнітнага поля не залежыць ад яго магнітнай пранікальнасці і супадае з напружанасцю магнітнага поля, створанага той жа сістэмай макраскапічных токаў у вакууме.

Адзінка напружанасці магнітнага поля ў СІ — ампер на метр.

Гл. таксама

• Закон поўнага току

Літаратура

• Напружанасць магнітнага поля // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. С. 143.

Спасылкі

• Напряжённость магнитного поля // Физическая энциклопедия.