Народны камісарыят аўтамабільнага транспарту БССР

Наро́дны камісарыя́т аўтамабі́льнага тра́нспарту Белару́скай ССР быў утвораны 28 ліпеня 1939 года. З 1946 года пераўтвораны ў Міністэрства аўтамабільнага транспарту БССР.

Народны камісарыят аўтамабільнага транспарту Беларускай ССР
Emblem of the Byelorussian SSR (1938-1949).svg
Агульная інфармацыя
Краіна
Дата стварэння 28 ліпеня 1939
Дата скасавання 26 сакавіка 1946
Заменена на Міністэрства аўтамабільнага транспарту БССР
Вышэйстаячае ведамства Савет Народных Камісараў БССР

ПаўнамоцтвыПравіць

На Народны камісарыят аўтамабільнага транспарту былі ўскладзены наступныя абавязкі:

  • кіраўніцтва падрыхтоўкай і перападрыхтоўкай інжынерна-тэхнічных кадраў, кадраў масавых прафесій для аўтамабільнага транспарта БССР (шафёраў, рамонтнікаў, аўтамеханікаў і інш.) і арганізацыю завочнага навучання іх разам з праводзімаю ў гэты час падрыхтоўкай масавых кадраў наркаматамі і ўстановамі;
  • арганізацыя і кіраўніцтва эксплуатацыяй аўтатранспарту, распрацоўка адзіных нарматываў эксплуатацыі, абслугоўвання і рамонту аўтамашын, а таксама распрацоўка тарыфаў на перавозку грузаў і пасажыраў для ўсяго аўтамабільнага транспарта на тэрыторыі БССР;
  • распрацоўка тыпавых праектаў гаражоў, аўтарамонтных майстэрняў і іншых відаў аўтатранспартных прадпрыемстваў, а таксама распрацоўка нормаў па будаванню аўтапрадпрыемстваў для ўсяго аўтамабільнага транспарта на тэрыторыі БССР;
  • распрацоўка адзіных нормаў і тарыфных ставак аплаты працы працоўным, службоўцам і ІТР для ўсяго аўтатранспарту на тэрыторыі БССР.
  • каапераванне на дамоўных пачатках сродкаў асобных гаспадарчых органаў, арганізацый і народных камісарыятаў, зацікаўленых у пабудове гаражоў агульнага карыстання.

КрыніцыПравіць