Наталля Васілеўна Свебада

Наталля Васілеўна Свебада (Дзяменцьева; 7 жніўня 1935, Ленінград) — беларускі архітэктар.

Наталля Васілеўна Свебада
Дата нараджэння	7 жніўня 1935(1935-08-07) (89 гадоў)
Месца нараджэння	Ленінград, РСФСР, СССР
Альма-матар	БПІ (1958)
Месца працы	Белдзяржпраект
Член у	Саюз архітэктараў СССР Беларускі саюз архітэктараў

Біяграфія

Скончыла Беларускі політэхнічны інстытут у 1958 годзе. З 1958 г. — архітэктар, кіраўнік групы архітэктараў у Белдзяржпраекце.

Член Саюза архітэктараў СССР з 1964 года. Пражывае ў Мінску.

Творчасць

Корпус фізічнага факультэта БДУ

Стаматалагічная паліклініка Інстытута ўдасканалення ўрачоў

Корпус хімічнага факультэта па вул. Ленінградскай

Асноўныя працы: вытворчы будынак Белдзяржпраекта па вул. К. Маркса (1963), рэканструкцыя тыпавога праекта з распрацоўкай інтэр’ераў кінатэатра «Кіеў» (1970), карпусы — хімічны (1966—1969), радыёфізікі і электронікі (1963—1966, з М. І. Бакланавым) Белдзяржуніверсітэта ў Мінску; у аўтарскім калектыве: стаматалагічная паліклініка — навучальная база Мінскага медінстытута па вул. Сухой у Мінску (1986), рэспубліканскі піянерлагер «Зубраня» (1969) і пансіянат Белкаапсаюза (1980) на воз. Нарач, псіхіятрычныя бальніцы — рэспубліканская клінічная ў Навінках і абласная ў Магілёве (1987), каталог лячэбна-прафілактычных устаноў і распрацоўка праграм для праектавання рэспубліканскіх бальніц Мінздароўя БССР, анкалагічнага дыспансера ў Гродне і стаматалагічнай паліклінікі Інстытута ўдасканалення ўрачоў у Мінску (1982—1988).

Літаратура

• Свебода Наталья Васильевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)