Наталля Уладзіміраўна Міхайлава

Ната́лля Уладзі́міраўна Міха́йлава (нар. 9 верасня 1963) — мастацкі кіраўнік і дырыжор Дзяржаўнага камернага хору Рэспублікі Беларусь, Заслужаная артыстка Рэспублікі Беларусь.

Наталля Уладзіміраўна Міхайлава
Асноўная інфармацыя
Дата нараджэння	9 верасня 1963(1963-09-09) (61 год)
Месца нараджэння	Ужгарад, Закарпацкая вобласць, УССР, СССР
Краіна	Беларусь
Музычная дзейнасць
Прафесіі	дырыжорка, хормайстар
Жанры	Харавая музыка
Калектыў	Дзяржаўны камерны хор Рэспублікі Беларусь
Узнагароды
philharmonic.by/ru/philh…

Біяграфія

Нарадзілася ва Ужгарадзе. Скончыла Краснадарскае музычнае вучылішча (1985, клас С. А. Лук’янчанка) і Беларускую дзяржаўную кансерваторыю імя А. Луначарcкага па спецыяльнасці «Харавое дырыжыраванне» (клас Г. П. Зелянковай).

Творчую дзейнасць пачала ў 1988 годзе як хармайстар Мінскага камернага хору Белдзяржфілармоніі; з 1995 — дырыжор камернага хору «Cantus» Беларускага таварыства інвалідаў па зроку. У 2000 годзе вярнулася ў Белдзяржфілармонію ўжо як мастацкая кіраўніца і галоўная дырыжорка Дзяржаўнага камернага хору Рэспублікі Беларусь.

Працу ў філармоніі Міхайлава сумяшчае з кіраўніцтвам вакальным ансамблем Нацыянальнага аркестра сімфанічнай і эстраднай музыкі Рэспублікі Беларусь. Вакальную форму дапамагае падтрымліваць шматгадовае служэнне ў царкве ў якасці пеўчай і асобныя сольныя праекты.

Пад кіраўніцтвам Міхайлавай хор ажыццявіў шматлікія музычныя прэм’еры, упершыню гучалі ў Беларусі. Калектыў удзельнічаў у шматлікіх міжнародных фестывалях: «Гайнаўскія дні царкоўнай музыкі» — (Гайнаўка, Польшча, 2006) — Гран-Пры; XV Міжнародны фестываль праваслаўнай духоўнай музыкі «Credo» (Талін, Эстонія, 2008); Міжнародныя фестывалі рускай духоўнай музыкі (Вільнюс, Літва, 1999—2009); Маскоўскі Пасхальны фестываль, маст. кір. — Валерый Гергіеў (Масква, Расія, 2010).

Дзяржаўны камерны хор Рэспублікі Беларусь супрацоўнічае з рознымі аркестрамі (Дзяржаўны акадэмічны сімфанічны аркестр Рэспублікі Беларусь, Літоўскі дзяржаўны сімфанічны аркестр, Дзяржаўны акадэмічны Вялікі сімфанічны аркестр імя П. І. Чайкоўскага, Дзяржаўны камерны аркестр РБ, ансамбль салістаў «Класік-Авангард»), дырыжорамі (А. Анісімаў — Беларусь, У. Федасееў — Расія, Г. Рынкявічюс — Літва, В. Мік — Германія, Р. Сангольт — Нарвегія, А. Сполдзінг — ЗША.

Творчая праца Міхайлавай двойчы адзначана стыпендыяй спецыяльнага фонду прэзідэнта Рэспублікі Беларусь, у 2008 годзе за вялікі ўклад у развіццё беларускага мастацтва ўзнагароджана медалём Францыска Скарыны. 4 снежня 2013 года Наталли Міхайлавай прысвоена званне Заслужанай артысткі Рэспублікі Беларусь.