Нацагійн Багабандзі

Нацагійн Багабандзі (нар. 22 красавіка 1950, Дзабханскі аймак, Манголія) — прэзідэнт Манголіі з 20 чэрвеня 1997 г. да 24 чэрвеня 2005 года ад МНРП.

Нацагійн Багабандзі
Нацагийн Багабанди
Багабандзі падчас візіту ў ЗША ў 2004
2-і Прэзідэнт Манголіі 20 чэрвеня 1997 — 24 чэрвеня 2005
Папярэднік	Пунсалмаагійн Ачырбат
Пераемнік	Намбарын Энхбаяр
Нараджэнне	22 красавіка 1950(1950-04-22) (74 гады) Яруу[d], Заўхан[d], Манголія
Партыя	МНРП
Адукацыя	Санкт-Пецярбургскі дзяржаўны ўніверсітэт Адэская нацыянальная акадэмія харчовых тэхналогій
Узнагароды	Ордэн Сухэ-Батара
Медыяфайлы на Вікісховішчы

Біяграфія

Нарадзіўся ў сялянскай сям'і. Скончыў Ленінградскі тэхнікум халадзільнай прамысловасці, Адэскі тэхналагічны інстытут харчовай прамысловасці (1980; спецыяльнасць — інжынер халадзільных установак), Акадэмію грамадскіх навук пры ЦК КПСС (1987). Кандыдат філасофскіх навук.

У 1979 уступіў у мангольскую народна-рэвалюцыйную партыю. У 1997 прыпыніў сяброўства ў партыі ў сувязі з выбраннем прэзідэнтам. Пасля сыходу з пасады кіраўніка дзяржавы ў 2005 аднавіў сяброўства ў МНРП.

• З 1972 (з перапынкам на вучобу) — слесар-рамонтнік, механік, інжынер.
• У 1980—1984 — загадчык ідэалагічнага аддзела Цэнтральнага аймачнага камітэта МНРП.
• У 1987—1990 — лектар, загадчык сектара, саветнік аддзела ў апараце ЦК МНРП.
• У 1990—1992 — член прэзідыума, сакратар ЦК МНРП, намеснік старшыні партыі.
• У 1992—1996 — старшыня Вялікага дзяржаўнага Хуралу (ВГХ).
• У 1996—1997 — старшыня фракцыі МНРП ў ВГХ).