Лонданская нацыянальная галерэя
Лонданская нацыянальная галерэя (англ.: National Gallery) — музей у Лондане, размешчаны на паўночным боку Трафальгарскай плошчы. Адзін з найбольш каштоўных у свеце музейных збораў заходнееўрапейскага жывапісу XIII — пачатку XX стст.
| Лонданская нацыянальная галерэя | |
|---|---|
 Лагатып | |
 | |
| Заснаваны | 1824 |
| Заснавальнік | Джордж Бамонт[d][1] |
| Адкрыты | 1824 |
| Месцазнаходжанне | |
| Наведвальнікі | |
| Адрас | Trafalgar Square, London WC2N 5DN[4] |
| Дырэктар | Габрыэле Фінальдзі[d][5] |
|
nationalgallery.org.uk (англ.) nationalgallery.org.uk (англ.) |
|
 Медыяфайлы на Вікісховішчы | |
Гісторыя правіць
Заснавана па рашэнні парламента ў 1824 годзе. Ядро калекцыі склаў набыты дзяржавай збор банкіра Джона Джуліуса Ангерстайна (38 карцін), які ў 1826 годзе быў дапоўнены зборам, падораным мастаком і калекцыянерам Джорджа Бамонтам. У далейшым набыццём прац для музея займаліся члены Савета апекуноў і дырэктары, у прыватнасці Чарлз Істлейк (першы дырэктар, 1855—1865), які сабраў адну з лепшых у свеце калекцый італьянскага жывапісу Протарэнесансу і Ранняга Адраджэння. Важную ролю ў фарміраванні калекцыі адыгралі і прыватныя зборы[6].
Да 1838 года музей размяшчаўся ў асабняку Ангерстайна на вуліцы Пэл-Мэл. У 1831—1838 гадах быў пабудаваны будынак у стылі класіцызму па праекце архітэктара Уільяма Уілкінса на паўночным боку Трафальгарскай плошчы, дзе, акрамя галерэі, да 1869 года знаходзілася Каралеўская Акадэмія мастацтваў. У 1869—1876 гадах да будынка Нацыянальнай галерэі было прыбудавана ўсходняе крыло, увянчанае купалам (арх. Эдварда Мідлтана Бэры); у 1987—1991 гадах у рэчышчы постмадэрнізму пабудавана т.зв. Крыло Сейнсберы (назва ў гонар братоў Сейнсберы, якія прафінансавалі будаўніцтва) па праекце архітэктараў Роберта Вентуры і Дэніз Скот-Браўн. У вестыбюлі галерэі падлогавыя мармуровыя мазаікі Барыса Васільевіча фон Анрэпа[6].
Экспазіцыя правіць
З самага пачатку галерэя стваралася як агульнадаступная і прызначалася для адукацыі і асветы шырокіх слаёў публікі. Адносна невялікая па сваім аб’ёме калекцыя (звыш 2300 адзінак) экспануецца цалкам. Экспазіцыя складаецца з 4 частак, якія адпавядаюць разлічным храналагічным перыядам, кожны з якіх прадстаўлены выдатнымі працамі найбуйнейшых мастакоў. Раздзел 13-15 стст. складаецца з творы Дуча дзі Буанінсенья, Паала Учэла, П’ера дэла Франчэска, Джавані Беліні, Андрэа дэль Верок'я, Сандра Бацічэлі, Андрэа Мантэньі, Яна ван Эйка, Рагіра ван дэр Вэйдэна, Ганса Мемлінга, Іераніма Босха і інш. Мастацтва 16 ст. прадстаўлена працамі Рафаэля, Леанарда да Вінчы, Мікеланджэла, Тыцыяна, Паала Веранезэ, Аньёла Бранзіна і іншых італьянскіх маньерыстаў, Пітэра Брэйгеля Старэйшага, Альбрэхта Дзюрэра, Лукаса Кранаха Старэйшага, Ганса Гольбейна Малодшага і інш. У раздзел 17 ст. уваходзіць найбуйнейшы па-за межамі Іспаніі збор карцін Дыега Веласкеса, карціны Пітэра Паўля Рубенса, Антоніса ван Дэйка, Яна Вермеера, Рэмбранта, Караваджа, Нікала Пусэна, Клода Ларэна і інш. У раздзеле 18 — пачатку 20 стст. — карціны Каналета, Франчэска Гвардзі, Франсіска Гоі, Жана Агюста Дамініка Энгра, Жака-Луі Давіда, Джона Констэбла, Уільяма Цёрнера, Анры Русо, Клода Манэ, Агюста Рэнуара, Поля Сезана, Вінсента ван Гога і інш. Працы брытанскіх мастакоў, якія з самага пачатку ўваходзілі ў склад музейнага збору, у 1954 годзе перададзены галерэі Тэйт. Пры музеі працуе навукова-даследчы і адукацыйны цэнтр[6].
Да будынка Нацыянальнай галерэі прылягаюць карпусы Нацыянальнай партрэтнай галерэі, у якой сабраны партрэты дзеячаў брытанскай гісторыі, культуры і навукі[6].
Галерэя правіць
-
-
-
Джавані Беліні. «Маленне аб чашы» -
-
-
Джавані Бальтрафіа. «Мужчына ў профіль», паміж 1498 і 1516 -
-
Тыцыян. «Вакх і Арыядна» -
Паала Веранезэ. «Нявернасть» -
Веласкес. «Венера і Амур» -
![Рэмбрант. «Банкет Валтасара[ru]»](//upload.wikimedia.org/wikipedia/commons/thumb/0/0e/Rembrandt-Belsazar.jpg/120px-Rembrandt-Belsazar.jpg)
-
-
Пітэр Паўль Рубенс. «Саламяны капялюшык» -
Уільям Цёрнер. «Пірс Кале» -
Томас Гейнсбара. «Ранішняя прагулка» -
Клод Манэ. «Ставок з гарлачыкамі» -
-
П’ер Агюст Рэнуар. Парасоны
_01.jpg)
.jpg)
![Рэмбрант. «Банкет Валтасара[ru]»](/wiki/%D0%A4%D0%B0%D0%B9%D0%BB:Rembrandt-Belsazar.jpg)
Зноскі
- ↑ https://www.nationalgallery.org.uk/people/sir-george-beaumont
- ↑ Art's most popular: Exhibition and museum visitor figures 2019 // The Art Newspaper — 2020. — Vol. XXIX, Iss. 322. — ISSN 0960-6556
- ↑ Art's most popular: Exhibition and museum visitor figures 2021 // The Art Newspaper — 2022. — ISSN 0960-6556
- ↑ Mapping Museums — 2016.
- ↑ Dr Gabriele Finaldi — Лонданская Нацыянальная галерэя. Праверана 7 снежня 2015.
- ↑ а б в г Национальная галерея // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.
Спасылкі правіць
|
Лонданская нацыянальная галерэя на Вікісховішчы |
|---|
- Афіцыйны сайт галерэі
- Национальная галерея // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.