Нацыянальная парламенцкая бібліятэка Японіі
Нацыянальная парламенцкая бібліятэка (яп.: 国立国会図書館) — адзіная нацыянальная бібліятэка Японіі. Адна з найбуйнейшых бібліятэк свету. Была заснавана ў 1948 для выкарыстання членамі Парламента Японіі. Па сваіх мэтах і магчымасцях бібліятэка параўнальная з Бібліятэкай Кангрэса (ЗША). Нацыянальная парламенцкая бібліятэка складаецца з двух асноўных аддзяленняў у Токіа і Кіёта, і больш малых.
| Нацыянальная парламенцкая бібліятэка | |
|---|---|
| яп.: 国立国会図書館[1] англ.: National Diet Library[1] | |
 Галоўны будынак Такійскага аддзялення | |
| Краіна | |
| Адрас |
 Японія, Токіа, Кіёта |
| Заснавана | 25 лютага 1948 |
| Код ISIL | JP-1000001 |
| Фонд | |
| Аб'ём фонду | 35,6 млн адзінак (9,3 млн кніг)[2] |
| Доступ і карыстанне | |
| Колькасць чытачоў | 654 тыс. у год[2] |
| Іншая інфармацыя | |
| Бюджэт | ¥21,8 млрд[2] |
| Супрацоўнікі | 908[2] |
| Вэб-сайт | ndl.go.jp |
 Медыяфайлы на Вікісховішчы | |
Гісторыя правіць
Нацыянальная Парламенцкая бібліятэка Японіі з'яўляецца спадчынніцай трох розных бібліятэк: Імперскай бібліятэкі, заснаванай у 1872 годзе пры Міністэрстве адукацыі Японіі і бібліятэк 2-х палат Парламента Японіі, утвораных адначасова ў 1890 годзе. 2 Бібліятэкі Парламента, як і сам гэты заканадаўчы орган, не былі развіты ў першай палове XX стагоддзя. У часы акупацыі Японіі войскамі ЗША пры садзейнічанні Дугласа Мак-Артура бібліятэка разраслася да 100 тысяч тамоў у 1948. Да 1986 збор бібліятэкі дасягнуў 12 млн асобнікаў. Нядаўна было адкрыта новае аддзяленне для дзяцей. Дзякуючы бібліятэцы праводзяцца сотні тысяч даследаванняў.
Асноўная калекцыя правіць
Бібліятэка валодае ўсімі выданнямі, якія калі-небудзь выдаваліся ў Японіі, а таксама шматлікімі замежнымі кнігамі.
Важныя спецыяльныя калекцыі правіць
8 спецыяльных калекцый бібліятэкі лічацца важнымі:
- Сучасная палітычная і канстытуцыйная гісторыя
- Матэрыялы пра паваенную акупацыю Японіі
- Законы і законапраекты
- Навука і тэхналогіі
- Карты
- Музыка
- Замежныя кнігі пра Японію
- Рэдкія і старажытныя выданні
Аблічбоўка кніг для сеткі Інтэрнэт правіць
У апошнія гады актыўна развіваецца сайт бібліятэкі на англійскай і японскай мове. На гэты сайт выкладваюцца такія дакументы, як агульны каталог бібліятэкі, 60 000 сучасных кніг, 37 000 старажытных, пратаколы паседжанняў Парламента Японіі.
Зноскі
- ↑ а б https://www.houjin-bangou.nta.go.jp/henkorireki-johoto.html?selHouzinNo=1000011000005
- ↑ а б в г Annual Report of the National Diet Library. Trends of the past year (англ.) (12 красавіка 2008). Архівавана з першакрыніцы 13 сакавіка 2012. Праверана 15 ліпеня 2010.
Гл. таксама правіць
Спасылкі правіць
На Вікісховішчы ёсць медыяфайлы па тэме Нацыянальная парламенцкая бібліятэка- Афіцыйны сайт Нацыянальнай парламенцкай бібліятэкі
