Вікіпедыя

Нацыянальная прэмія ў галіне выяўленчага мастацтва

беларуская прэмія ў галіне сучаснага выяўленчага мастацтва

Нацыянальная прэмія ў галіне выяўленчага мастацтва — узнагарода ў галіне сучаснага выяўленчага мастацтва па выніках рэспубліканскага конкурсу, які праводзіцца з 2017 года згодна з Загадам Міністэрства культуры Рэспублікі Беларусь ад 09.08.2016 № 129[1][2]. Конкурс ладзіцца раз на тры гады.

Нацыянальная прэмія ў галіне выяўленчага мастацтва
Нацыянальная прэмія ў галіне выяўленчага мастацтва
Тып узнагарода
Заснавальнік Міністэрства культуры Рэспублікі Беларусь
Заснаванне 2017
Краіна  Беларусь

Умовы конкурсу правіць

Стаць удзельнікамі конкурсу могуць аўтары твораў выяўленчага мастацтва ў любых відах, жанрах і мастацкіх тэхніках і аўтары твораў літаратуры аб выяўленчым мастацтве, створаных за тры гады, што папярэднічаюць тэрміну заканчэння прыёму заявак. Падаць заяўкі могуць грамадзяне Рэспублікі Беларусь, а таксама замежныя грамадзяне і асобы без грамадзянства, якія пастаянна пражываюць на тэрыторыі краіны, маюць прафесійную адукацыю ў галінах выяўленчага мастацтва, дызайну, мастацтвазнаўства або не маюць такой, але з’яўляюцца членамі творчых саюзаў. Дапускаюцца да ўдзелу аўтарскія калектывы. Адзін аўтар можа ўдзельнічаць у конкурсе толькі з адным творам і толькі ў адной намінацыі[3][4].

Асноўныя крытэрыі ацэнкі твораў мастацтва і літаратуры — наватарства, мастацкая каштоўнасць, індывідуальнасць, актуальнасць тэмы, развіццё мастацкіх традыцый. Імёны пераможцаў конкурсу стануць вядомы па выніках адкрытага прагляду і ацэнкі твораў, што экспануюцца на рэспубліканскай выстаўцы, якая пройдзе з 18 красавіка па 21 мая. Журы конкурсу вызначыць па адным або некалькі пераможцаў у кожнай намінацыі. Пераможцам конкурсу будуць уручаны дыпломы лаўрэатаў і спецыяльныя прызы, а таксама грашовыя прэміі ў памеры 100 базавых велічынь у кожнай намінацыі. Асобныя творчыя работнікі, якія ўнеслі значны ўклад у развіццё сучаснага выяўленчага мастацтва Беларусі, і юрыдычныя або фізічныя асобы, у тым ліку індывідуальныя прадпрымальнікі, што прадастаўляюць спонсарскую дапамогу ці робяць ахвяраванні на развіццё выяўленчага мастацтва, могуць быць узнагароджаны дыпломамі «За ўклад у развіццё выяўленчага мастацтва», «Мецэнат выяўленчага мастацтва» і спецыяльнымі прызамі[5][6][7].

Намінацыі правіць

  • Навацыя
  • Творчы дэбют
  • Мастацкая фатаграфія
  • Дызайн
  • Жывапіс
  • Графіка
  • Скульптура
  • Манументальнае і манументальна-дэкаратыўнае мастацтва
  • Дэкаратыўна-прыкладное мастацтва
  • Мастацтвазнаўства і крытыка

У намінацыі «Творчы дэбют» могуць прымаць удзел аўтары, якія не дасягнулі 31 года на дзень падачы заяўкі. Адборачная камісія штогод у перыяд з 20 лістапада па 31 снежня вызначыць па 10 работ у кожнай намінацыі для ўдзелу ў Рэспубліканскай выстаўцы сучаснага выяўленчага мастацтва.

Гісторыя правіць

Нацыянальная прэмія ў галіне выяўленчага мастацтва ўпершыню ўручана ў Беларусі ў 2017 годзе.

Лаўрэатам 2017 года ў намінацыі «Жывапіс» пераможцам стаў народны мастак Беларусі, лаўрэат Дзяржаўнай прэміі, загадчык кафедры малюнка Беларускай дзяржаўнай акадэміі мастацтваў Уладзімір Тоўсцік. Майстар працуе ў жанрах тэматычнай карціны, партрэта, пейзажа, нацюрморта. Яго творчасць справядліва называюць яркай з’явай у беларускім сучасным мастацтве.[8].

Зноскі

  1. ↑ Конкурсы(недаступная спасылка). Беларускі саюз мастакоў. Архівавана з першакрыніцы 22 ліпеня 2018. Праверана 4 жніўня 2018.
  2. ↑ Рэспубліканскі конкурс «Нацыянальная прэмія ў галіне выяўленчага мастацтва» (18 красавіка — 21 мая 2017 г.). Гасцініцы Беларусі. Праверана 4 жніўня 2018.
  3. ↑ Нацыянальная прэмія ў галіне выяўленчага мастацтва ўпершыню будзе ўручана ў Беларусі ў 2017 годзе. БелТА (11 жніўня 2016). Праверана 4 жніўня 2018.
  4. ↑ Нацыянальная прэмія ў галіне выяўленчага мастацтва ўпершыню будзе ўручана ў Беларусі ў 2017 годзе(недаступная спасылка). Belarus.by (11 жніўня 2016). Архівавана з першакрыніцы 17 жніўня 2020. Праверана 4 жніўня 2018.
  5. ↑ Нацыянальная прэмія ў галіне сучаснага выяўленчага мастацтва з’явіцца ў Беларусі ў 2017 годзе. Звязда (11 кастрычніка 2014). Праверана 4 жніўня 2018.
  6. ↑ Нацыянальная прэмія ў галіне выяўленчага мастацтва з’явіцца ў Беларусі ў 2017 годзе(недаступная спасылка). Регіянальная газета (21 лістапада 2015). Архівавана з першакрыніцы 8 снежня 2021. Праверана 4 жніўня 2018.
  7. ↑ Рэспубліканскі конкурс «Нацыянальная прэмія ў галіне выяўленчага мастацтва» (18 красавіка — 21 мая 2017 г.). Дзелавы турызм у Беларусі. Праверана 4 жніўня 2018.(недаступная спасылка)
  8. ↑ Ірына Свірко. Названы лаўрэаты Нацыянальнай прэміі ў галіне выяўленчага мастацтва. СБ. Беларусь сегодня (22 мая 2017). Праверана 4 жніўня 2018.

Спасылкі правіць

Узята з "https://be.wikipedia.org/w/index.php?title=Нацыянальная_прэмія_ў_галіне_выяўленчага_мастацтва&oldid=4632259"