Наш край

«Наш край» — краязнаўчы часопіс, орган Цэнтральнага Бюро краязнаўства пры Інстытуце Беларускай культуры, з 1929 года пры Беларускай акадэміі навук. Выдаваўся з кастрычніка 1925 года па кастрычнік 1930 года раз у месяц у Мінску на беларускай мове.

«Наш край»
Вокладка часопіса «Наш край». № 12, 1926.
Тып	часопіс
Заснавальнік	Інстытут беларускай культуры
Краіна	БССР
Галоўны рэдактар	Змітрок Бядуля (1926-1930)
Заснавана	кастрычнік 1925
Спыненне публікацый	кастрычнік 1930
Мова	Беларуская
Перыядычнасць	Штомесячнік
Тыраж

Яго выдаўцы ставілі за мэту вывучэнне прыродных і прадукцыйных сіл Беларусі, духоўных традыцый яе народаў. Даследаванні вяліся па трох асноўных кірунках: прыродна-геаграфічным, грамадска-эканамічным і культурна-гістарычным. Часопіс асвятляў дзейнасць Цэнтральнага бюро краязнаўства, дзейнасць краязнаўчых таварыстваў і развіццё краязнаўчага руху. Змяшчаліся матэрыялы па біялогіі, заалогіі, батаніцы, геаграфіі, агляды краязнаўчай літаратуры.

Першы нумар складаўся з 68 старонак, выйшаў тыражом 2 тысяч асобнікаў. Першы рэдактар Мікалай Азбукін, з красавіка 1926 года Самуіл Плаўнік (З. Бядуля). Вокладку першага нумару афармляў мастак Міхаіл Эндэ, застаўкі паводле малюнкаў на беларускіх тканінах і ўзораў беларускай драўлянай разьбы — мастак Анатоль Тычына.

Выйшаў 61 нумар, асобныя — здвоеныя.

З лістапада 1930 года да студзеня 1933 года выходзіў пад назвай «Савецкая краіна». 

Літаратура

• Ліс А. «Наш край» // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
• Ліс А. «Наш край» // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 10 000 экз. — ISBN 985-11-0141-9.
• «Наш край» // Энцыклапедыя прыроды Беларусі. У 5-і т. Т. 3. / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 3. — 599 с. — 10 000 экз.
• Кісялёў У. Наш папярэднік // Помнікі гісторыі і культуры Беларусі. — № 4. — Мн.: Полымя, 1985. — ISSN 0131-2669. С. 36—37.
• Гужалоўскі А. Летапісец беларускага краязнаўства (да 90-годдзя часопіса “Наш край”) // Беларускі гістарычны часопіс. – 2015. – № 9. – С. 5–15.

Вонкавыя выявы
З калекцыі «Беларуская літаратурная спадчына. Часопісы 1919—1939 гг.», Нацыянальная бібліятэка Беларусі
	Часопіс «Наш край», 1925 год
	Часопіс «Наш край», 1926 год
	Часопіс «Наш край», 1927 год
	Часопіс «Наш край», 1928 год
	Часопіс «Наш край», 1929 год
	Часопіс «Наш край», 1930 год
	Часопіс «Савецкая краіна», 1930 год
	Часопіс «Савецкая краіна», 1931 год
	Часопіс «Савецкая краіна», 1932 год