Нож у вадзе

«Нож у вадзе» (польск.: Nóż w wodzie) — польскі дэбютны поўнаметражны фільм рэжысёра Рамана Паланскага, зняты ў 1962 годзе. Першы фільм польскага кінематографа, які атрымаў намінацыю на «Оскар», які паказаў жанчыну аголенай і выкарыстоўваў у музычным суправаджэнні джаз.

Нож у вадзе
польск.: Nóż w wodzie
Жанр	драматычны фільм
Рэжысёр	Раман Паланскі[…]
Сцэнарыст	Раман Паланскі Ежы Скалімоўскі
У галоўных ролях	Леан Немчык[d][…] Зыгмунт Маляновіч[d][…] Раман Паланскі Яланта Умецкая[d]
Аператар	Ежы Ліпман[d]
Кампазітар	Кшыштаф Камэда
Кінакампанія	Kamera[d]
Працягласць	90 хв.
Краіна	Польшча
Мова	польская
Год	1962
IMDb	ID 0056291

Прэм’ера адбылася 9 сакавіка 1962 года. Па звестках польскіх кіназнаўцаў, да 1991 года ў Польшчы адбылося 8956 кінасеансаў фільма і яго паглядзелі 1064059 гледачоў.

Сюжэт

У фільме ўсяго тры дзеючыя асобы — двое мужчын і жанчына. Сямейная пара адпраўляецца на ўласнай яхце ў адпачынак па Мазурскіх азёрах. Выпадкова ім сустракаецца малады чалавек без гроша ў кішэні, якога муж і жонка бяруць на яхту ў якасці спадарожніка. Паміж двума мужчынамі ўзнікае саперніцтва, і не ў апошнюю чаргу за ўвагу жанчыны. Муж імкнецца зрабіць на хлопца ўражанне сваім гламурным ладам жыцця, постаццю і спрытам. Як саркастычна заўважае яму жонка, ён падабраў хлопца, каб «павыпендрывацца» перад ім. Аднак юнак не спяшаецца заняць становішча падпарадкавання, і жонка, здаецца, сімпатызуе яму. З’яўленне незнаёмца выкрывае схаваны разлом у адносінах мужа і жонкі. Усё часцей у кадры з’яўляецца нож, паміж мужчынамі завязваецца бойка, адзін з іх падае за борт…

Фільм завяршаецца адкрытым фіналам. Машына з мужам і жонкай стаіць на ростанях. Муж хоча ехаць у паліцыю, каб заявіць пра злачынства. Жонка ведае, што злачынства не было, аднак яе тлумачэнне занадта балюча б’е па самалюбстве мужа, ён не жадае яму верыць.