Нэнсі Пэлосі

Нэнсі Патрыцыя Пэлосі (англ.: Nancy Patricia Pelosi; 26 сакавіка 1940, Балтымар, Мэрыленд, ЗША) — амерыканская палітычная дзяячка, дэпутат Палаты прадстаўнікоў Кангрэса ЗША (з 1993 года) ад 8-й выбарчай акругі (Сан-Францыска) у Каліфорніі, лідар фракцыі дэмакратаў у Палаце прадстаўнікоў (з 2003 года). З 2019 года займае пасаду спікера Палаты прадстаўнікоў ЗША, таксама займала яе з 2007 да 2011 года.

Нэнсі Пэлосі
Nancy Pelosi
52-і Спікер Палаты прадстаўнікоў Кангрэсу ЗША з 3 студзеня 2019
Прэзідэнт	Дональд Трамп Джо Байдэн
Член Палаты прадстаўнікоў Кангрэсу ЗША ад Каліфорніі з 2 чэрвеня 1987
Папярэднік	Зала Бёртан
Нараджэнне	26 сакавіка 1940(1940-03-26)[…] (84 гады) Балтымар, Мэрыленд, ЗША
Імя пры нараджэнні	англ.: Nancy Patricia D'Alesandro
Бацька	Thomas D'Alesandro, Jr.[d]
Маці	Annunciata M. "Nancy" D'Alesandro[d]
Муж	Paul Pelosi[d]
Дзеці	Alexandra Pelosi[d], Paul Pelosi, Jr.[d], Christine Pelosi[d] і Nancy Corinne Prowda[d]
Веравызнанне	каталіцтва
Партыя	Дэмакратычная партыя ЗША
Член у	Democratic National Committee[d] (1996) United States House Committee on Appropriations[d] United States House Permanent Select Committee on Intelligence[d] National Organization of Italian American Women[d] National Italian American Foundation[d] Congressional Progressive Caucus[d] (3 студзеня 2011)
Адукацыя	Вашынгтонскі Троіцкі ўніверсітэт (1962) Institute of Notre Dame[d] (1958)
Дзейнасць	палітык
Навуковая дзейнасць
Навуковая сфера	палітыка
Аўтограф
Узнагароды	Нацыянальная зала славы жанчын[d] (2013) Profile in Courage Award[d] (2019) ганаровы доктар Брандэйскага ўніверсітэта[d] Dr. Nathan Davis Award for United States Representatives[d] (2016) Time 100[d] (2019) Time 100[d] (2020) Time 100[d] (2018) VH1 Trailblazer Honors[d] (2019)
Сайт	pelosi.house.gov (англ.)
Медыяфайлы на Вікісховішчы

Біяграфія

Нарадзілася 26 сакавіка 1940 года ў сям’і дэмакрата Томаса д’Алесандра, які быў кангрэсменам ЗША ад штата Мэрыленд і мэрам Балтымара. Брат Нэнсі таксама быў мэрам Балтымора ў 1967—1971 гадах. Вучылася ў Вашынгтонскім універсітэце Трыніці (выпуск 1962 года).

2 чэрвеня 1987 года выйграла выбары ў Кангрэс ЗША ад 8-й выбарчай акругі ў Сан-Францыска — ў акрузе, якая галасуе за дэмакратаў з 1949 года. Пэлосі пераабіралася ў Кангрэс з не менш чым 75 % галасоў.

У 2001 годзе Пэлосі абраная партыйным арганізатарам дэмакратычнай меншасці Кангрэса ЗША — гэта другі выбарны пост пасля пасады лідара меншасці. У 2003 годзе сама заняла пасаду лідара меншасці.

Працавала ў пастаянным спецыяльным камітэце Палаты прадстаўнікоў па справах разведвальных службаў і ў Камітэце асігнаванняў. Пасля тэрарыстычных актаў 11 верасня 2001 года кіравала ў Кангрэсе разглядам працы спецслужбаў і распрацоўвала законапраект аб стварэнні незалежнай камісіі па вывучэнні дзейнасці федэральнага ўрада — «Камісіі 9/11».

Нэнсі Пэлосі была адным з самых жорсткіх крытыкаў адміністрацыі Джорджа Буша малодшага, а затым — губернатара штата Каліфорнія Арнольда Шварцэнэгера.

4 студзеня 2007 года Пэлосі абрана старшынёй (спікерам) Палаты прадстаўнікоў ЗША — яна стала першай жанчынай на гэтай пасадзе за ўсю гісторыю краіны. Пэлосі стала самай высокапастаўленай жанчынай у амерыканскай гісторыі на момант уступлення на пасаду, знаходзячыся на трэцяй ступені ўпраўленчай іерархіі пасля прэзідэнта і віцэ-прэзідэнта ЗША. Дэмакраты тады зноў аднавілі большасць у ніжняй палаце амерыканскага парламента пасля дванаццацігадовага знаходжання ў апазіцыі.

На прамежкавых выбарах у Палату прадстаўнікоў дэмакраты страцілі большасць, таму пасаду спікера перайшла да рэспубліканцаў. З 3 студзеня 2011 года яна была лідарам фракцыі меншасці ў Палаце.

На прамежкавых выбарах у Палату прадстаўнікоў у 2018 годзе дэмакраты вярнулі большасць у гэтым органе ўлады, таму Пэласі зноў заняла пасаду спікера Палаты прадстаўнікоў. Сярод іншай яе дзейнасці на гэтай пасадзе, яна дэ-факта ўзначальвала абодва працэсы імпічменту Дональду Трампу ў Палаце прадстаўнікоў у 2019 і 2021 гадах.