Нёман (часопіс)

«Нёман» (1945) — літаратурна-мастацкі і грамадска-публіцыстычны беларускі часопіс, які выдаецца на рускай мове.

«Нёман»
Тып	часопіс
Краіна	Беларусь
Мова	руская
Тыраж
Вэб-сайт	neman.lim.by

Гісторыя

Выдаецца ў Мінску з 1945 года на рускай мове. Спачатку выходзіў 6 разоў у год як альманах рускай секцыі Саюза пісьменнікаў Беларусі «Отчизна». З 1947 года — «Советская отчизна». З 1960 года — пад сучаснай назвай.

Тыраж у савецкі час перавышаў 100 000 асобнікаў (1974).

Прадстаўляў беларускую літаратуру на прасторах СССР.

Сучаснасць

У цяперашні час заснавальнікамі выдання з'яўляюцца Міністэрства інфармацыі Рэспублікі Беларусь, ГА Саюз пісьменнікаў Беларусі, РВУ «Літаратура і Мастацтва».

У 2002-2012 гадах уваходзіў у склад рэдакцыйна-выдавецкай установы «Літаратура і Мастацтва». Цяпер у складзе Выдавецкага дома «Звязда».

Часопіс публікуе творы на рускай мове і пераклады з беларускай мовы ў наступных рубрыках: проза, паэзія, публіцыстыка, гісторыя, культура, нацыя, літаратурная крытыка, успаміны, дакументы.

У 2003 годзе заключана дамова пра творчае супрацоўніцтва з рускім часопісам «Наш современник».

На пачатак 2022 года наклад 660 асобнікаў.

Галоўныя рэдактары

• Іван Шамякін (1952—1953)
• Міхась Калачынскі (1953—1954)
• Пімен Панчанка (1954—1958)
• Яўген Васілёнак (1958—1966)
• Андрэй Макаёнак (1966—1977)
• Анатоль Кудравец (1978—1997)
• Алесь Жук (1997—2002)
• Ніна Чайка (2002—2008)
• Міхась Пазнякоў (2008—2009)
• Алесь Бадак (2009—2014)
• Аляксей Чарота (2014—2019)
• Юлія Алейчанка (2019—2021)
• Наталля Касцючэнка (2021—2022)
• Алесь Бадак (2022—?)
• Наталля Касцючэнка (цяпер)

Літаратура

• «Нёман» // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 536. — 800 с. — 5 000 экз. — ISBN 985-11-0026-9.