Вікіпедыя

Нигма

(Пасля перасылкі з Нігма)

«Нігма» — расійская інтэлектуальная метапошукавая сістэма[1]. Праект ствараўся[2] пры падтрымцы факультэта вылічальнай матэматыкі і кібернетыкі і факультэта псіхалогіі МДУ імя М. В. Ламаносава[3], а таксама Стэнфардскага ўніверсітэта[4][5]. Назва «Nigma» (адзін з родаў павукоў сямейства Dictynida) была абрана па асацыяцыі з Сусветным павуціннем.

Нигма
Выява лагатыпа
URL nigma.net.ru
нигма.рус
Тып сайта бізнес і прадпрыемства
Аўтар Viktor Lavrenko[d]
Пачатак працы 2005
Канец працы 19 верасня 2017
Нигма
Тып таварыства з абмежаванай адказнасцю
Заснаванне 12 красавіка 2005
Скасавана 19 верасня 2017
Заснавальнікі Віктар Лаўрэнка, Уладзімір Чэрнішаў
Размяшчэнне Сцяг Расіі Расія, Масква
Галіна Інтэрнэт
Прадукцыя Пошукавая сістэма, Сайт
Дэвіз Знойдзецца не ўсё, знойдзецца найлепшае!
Сайт nigma.net.ru

Гісторыя правіць

Заснавальнікамі праекта з’яўляюцца Віктар Лаўрэнка і Уладзімір Чарнышоў[6], якія пазнаёміліся на кафедры АСВК факультэта вылічальнай матэматыкі і кібернетыкі МДУ імя М. В. Ламаносава ў 2004 годзе.

У 2005 годзе на сэрвісе з’явілася функцыя кластарызацыі.

У 2007 годзе Уладзімір Чарнышоў адправіўся ў Стэнфардскі ўніверсітэт, дзе пад кіраўніцтвам Эктара Гарсія-Маліны распрацоўваў алгарытмы для «Нігмы».

У 2008 годзе было праіндэксавана больш за 3500 RSS-стужак СМІ і блогаў, якія карыстаюцца папулярнасцю. Пасля апрацоўкі даных з гэтых крыніц на пошукавы запыт пачалі таксама выдавацца тры самыя свежыя навіны па тэме[7].

У 2008 годзе быў дададзены матэматычны інструментарый, з дапамогай якога Нігма магла вырашаць задачы з выкарыстаннем розных велічынь і канстант, вырашаць ураўненні і сістэмы ўраўненняў, спрашчаць выразы. У 2009 годзе сістэма была дапоўненая вылічэннем інтэгралаў і вытворных, а таксама рашэннем задач з вызначэннем вобласці дапушчальных значэнняў. У 2010 годзе ў сістэму была дададзеная магчымасць аналізу функцый і пабудовы графікаў, у тым ліку графікаў няяўна зададзеных функцый на плоскасці і ў прасторы[8].

У 2010 годзе ў пошукавай выдачы быў павышаны прыярытэт сеткавых рэсурсаў у даменнай зоне .рф. Таксама ў 2010 годзе пасля правядзення маркетынгавага даследавання пошукавая сістэма змяніла назву з «Nigma.ru» на «Нигма.РФ» і зарэгістравала адпаведнае даменнае імя[9].

У 2011 годзе Нігма стварыла пошукавы віджэт для прылад, якія працуюць на аперацыйнай сістэме Android[10][11].

У 2013 годзе з дапамогай новай сістэмы «Нігма-вызначэння» быў дададзены пошук змесціва паняццяў, фізічных тэрмінаў[12].

19 верасня 2017 года сэрвіс стаў недаступны для карыстальнікаў. 23 верасня 2017 года газета «Коммерсант» паведаміла, што Віктар Лаўрэнка не плануе закрываць праект, заснавальнік праекта заявіў, што ён, то бок праект, пакуль прыбытковы, так што пра закрыццё гаворкі няма[13].

З верасня 2017 года стары дамен пошукавіка не працуе[14].

Для тых, хто настальгуе па сэрвісе, адным з яго фанатаў быў адноўлены вонкавы выгляд Нігмы на адмысловым сайце[15]. Пошук працуе на рухавіках Яндэкса і Google з магчымасцю дадавання вэб-сайтаў карыстальнікаў праз адмысловую форму.

Заўвагі правіць

  1. ↑ журнал UPgrade 22/2013, стар. 43-48
  2. ↑ Нигма!. www.nigma.net.ru. Праверана 22 лістапада 2023.
  3. ↑ У пошуках ідэалу. «Нігма» ўдасканальвае сэрвісы.
  4. ↑ Нігма заваявала Стэнфард(недаступная спасылка). Архівавана з першакрыніцы 30 мая 2009. Праверана 8 снежня 2022.
  5. ↑ Нашы ў Стэнфардзе.
  6. ↑ З чаго пачыналася Нігма.
  7. ↑ Nigma.ru выводзіць навіны па тэме ў адказ на любы запыт(недаступная спасылка). Архівавана з першакрыніцы 7 кастрычніка 2020. Праверана 8 снежня 2022.
  8. ↑ Нігма палепшыла матэматычную сістэму(недаступная спасылка). 3DNews - Daily Digital Digest. Архівавана з першакрыніцы 8 кастрычніка 2020. Праверана 8 снежня 2022.
  9. ↑ Пошукавая сістэма Nigma.ru мяняе назву(недаступная спасылка). Архівавана з першакрыніцы 8 кастрычніка 2020. Праверана 8 снежня 2022.
  10. ↑ Нігма запусціла пошукавы віджэт для смартфонаў Android(недаступная спасылка). iXBT.com. Архівавана з першакрыніцы 9 кастрычніка 2020. Праверана 8 снежня 2022.
  11. ↑ Нігма запусціла пошукавы віджэт для смартфонаў Android. 3DNews - Daily Digital Digest.
  12. ↑ Нігма можа расказаць аб фізічных тэрмінах і паняццях. 3DNews - Daily Digital Digest.
  13. ↑ Залаты пошук.
  14. ↑ Паштоўка: Nigma.ru - усё?.
  15. ↑ Нигма - российская поисковая система(нявызн.). nigma.net.ru. Праверана 12 сакавіка 2024.

Спасылкі правіць

Узята з "https://be.wikipedia.org/w/index.php?title=Нигма&oldid=4692569"