Ніна Трафімаўна Вайтовіч

Ніна Трафімаўна Вайтовіч (10 ліпеня 1913, Дрыса — 4 сакавіка 1976) — беларускі мовазнавец. Доктар філалагічных навук (1967). Лаўрэат Дзяржаўнай прэміі СССР (1971).

Ніна Трафімаўна Вайтовіч
Дата нараджэння	10 ліпеня 1913(1913-07-10)
Месца нараджэння	Дрыса, Дрысенскі павет, Віцебская губерня, Расійская імперыя
Дата смерці	4 сакавіка 1976(1976-03-04) (62 гады)
Месца смерці	Мінск, БССР, СССР
Грамадзянства	Расійская імперыя  СССР
Род дзейнасці	вучоная
Навуковая сфера	мовазнаўства
Месца працы	Нацыянальная акадэмія навук Беларусі
Навуковая ступень	доктар філалагічных навук
Альма-матар	Мінскі педагагічны інстытут
Прэміі
Узнагароды

Біяграфія

Нарадзілася ў сям'і настаўніка. Скончыла Мінскі педагагічны інстытут у 1937 годзе, дзе ў 1948—1956 гг. загадвала кафедрай беларускай мовы. З 1956 г. — у Інстытуце мовазнаўства НАН Беларусі. Займалася дыялекталогіяй і гісторыяй беларускай мовы.

Навуковая дзейнасць

Аўтар падручніка для 6-га класа «Родная літаратура» (1—16 выд., 1945—1960), сааўтар прац «Дыялекталагічны атлас беларускай мовы» (1963), «Нарысы па беларускай дыялекталогіі» (1964) і іншых.

Бібліяграфія

• Да пытання аб фарміраванні нацыянальнай літаратурнай беларускай мовы. — Мн., 1958
• Ненаціскны вакалізм народных гаворак Беларусі. — Мн., 1968

Узнагароды

Дзяржаўная прэмія СССР 1971 года за ўдзел у комплексе прац па беларускай лінгвагеаграфіі.

Літаратура

• Вайтовіч Ніна Трафімаўна // Беларуская Савецкая Энцыклапедыя : у 12 т. / рэдкал.: П. У. Броўка [і інш.]. — Мн., 1970. — Т. 2. — С. 560.
• Добач, С. Г. Ніна Трафімаўна Вайтовіч / С. Г. Добач // Беларуская лінгвістыка : зборнік артыкулаў / рэдкал.: М. Р. Суднік (адказ. рэд.) [ і інш.]. — Мн., 1972. — Вып. 3. — С. 70-71.