Нічога страшнага
«Нічога страшнага» (руск.: Ничего страшного) — кароткаметражны мастацкі фільм рэжысёра Ульяны Шылкінай, зняты ў 2000 годзе па апавяданню Віктара Пялевіна «Сіні ліхтар».
Нічога страшнага | |
|---|---|
| Жанр | кароткаметражны фільм |
| Рэжысёр | |
| Прадзюсар | |
| Сцэнарыст | |
| У галоўных ролях |
|
| Працягласць | 19 хв. |
| Краіна | |
| Мова | руская |
| Год | 2000 |
| IMDb | ID 0379400 |
Сюжэт правіць
У піянерскім лагеры пасля адбою хлопчыкі распавядаюць адзін аднаму перад сном страшныя гісторыі пра мерцвякоў, ды так заводзяць адзін аднаго, што губляюць пачуццё рэальнасці і ўжо гатовыя паверыць, што самі даўно мёртвыя. Усе іх фантазіі прайграваюцца на экране з дапамогай розных мастацкіх прыёмаў — гульнявое кіно, лялечная мультыплікацыя, маляваная мультыплікацыя[1].
У дастаткова раннім апавяданні Віктара Пялевіна, па матывах якога зняты фільм, ужо выразна гучыць асноўная тэма аўтара: дзе грань паміж жыццём і смерцю, паміж сапраўдным і ілюзорным, паміж чалавекам, які сапраўды жывы, і мерцвяком, які жывым толькі прыкідваецца?[2]
Узнагароды правіць
Фільм мае шэраг узнагарод. У 2000 годзе ён атрымаў прыз за рэжысёрскі дэбют, прыз Гільдыі кіназнаўцаў і кінакрытыкаў Расіі на VI кінафестывалі «Літаратура і кіно» (Гатчына); другую прэмію ў раздзеле гульнявога кіно на конкурсе студэнцкіх і дэбютных работ «Св. Ганна» (Масква); дыплом кінафестывалю «Дэбют-Кінатаўр» (Масква); прыз журы конкурсу дэбютаў на міжнародным кінафестывалі «Пасланне да чалавека» (Санкт-Пецярбург); галоўны прыз за рэжысуру на міжнародным кінафестывалі студэнцкіх фільмаў (Благоеўград / Балгарыя); перамог у 3 намінацыях на ХХ Міжнародным фестывалі УДІКа; атрымаў прыз за лепшы гульнявы дыпломны фільм, прыз за лепшую работу мастака, дыплом за анімацыю. У 2001 годзе фільм атрымаў прэмію «Канала+» у намінацыі «за творчы пошук» на міжнародным кінафестывалі кароткаметражнага кіно ў Клермон-Феране (Festival du court metrage (Clermont-Ferrand)).
Зноскі
- ↑ Ничего страшного (2000). Праверана 2021-02-26.
- ↑ Ничего страшного (короткометражный фильм). www.litagent.ru. Праверана 26 лютага 2021.
Спасылкі правіць
- «Нічога страшнага» на сайце «Internet Movie Database» (англ.)
- Ничего страшного (короткометражный фильм). www.litagent.ru. Праверана 26 лютага 2021.
- Фільм «Нічога страшнага»