Ніўкі (Бярозаўскі раён)

Ні́ўкі^[1] (трансліт.: Niŭki, руск.: Нивки) — вёска ў Бярозаўскім раёне Брэсцкай вобласці. Уваходзіць у склад Пескаўскага сельсавета. Размешчана за 28 км ад Бярозы, за 1 км ад чыгуначнай станцыі Белаазёрск.

Гісторыя

У 1554 годзе ў «Рэвізіі пушч і пераходаў звярыных…» упамінаецца сяло Ніўскае Здзітаўскай пушчы Вялікага Княства Літоўскага (верагодна, сучасныя Ніўкі ці Нівы) «з людзьмі яго міласці Пана Астафія Воловіча і паноў Протасовічаў». Паводле перапісу 1897 года ў Пескаўскай воласці Слонімскага павета Гродзенскай губерні, вёска і фальварак ва ўладанні Пуслоўскага. Паблізу вёскі знаходзіўся цагляны завод.

З 1939 года ў БССР, з 1940 года вёска ў Альшэўскім сельсавеце. Пачалі здабываць торф.

У 1941—1944 гг. акупіравана нямецка-фашысцкімі захопнікамі. Пасля вайны ў 1945 годзе працаваў цагельны завод.

З 16 ліпеня 1954 года сельсавет перайменаваны ў Ніўкаўскі, цэнтр яго перанесены ў в. Ніўкі. 12 студзеня 1960 года сельсавет ліквідаваны, вёска перададзена ў Белаазёрскі сельскі (з 25 чэрвеня 1960 пасялковы) савет. З 22 студзеня 1963 года ў складзе Здзітаўскага с/с, з 7 кастрычніка 1968 года ў Белаазёрскім пасялковым Савеце. З 15 сакавіка 1971 года ў Белаазёрскім сельсавеце^[2]. Цэнтр саўгаса «Белаазёрскі».

XIX стагоддзе:
- 1897 — 28 двароў, 207 жыхароў, у фальварку — 1 двор, 4 жыхары, на цагляным заводзе — З чал.
XX стагоддзе:
- 1924 — у фальварку і вёсцы — 44 будынкі, 251 жыхар.
- 1940 — 57 двароў, 297 жыхароў.
- 1959 — 88 гаспадарак, 349 жыхароў.
- 1970 — 293 жыхары.
XXI стагоддзе:
- 2005 — 71 двор, 189 жыхароў.

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Нiўкі́
↑ Рашэнне выканкома Брэсцкага абласнога Савета дэпутатаў працоўных ад 15 сакавіка 1971 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1971, № 8 (1310).
↑ Решение Брестского областного совета депутатов № 305 от 17 сентября 2013 г. «Об изменениях в административно-территориальном устройстве Берёзовского, Ивацевичского, Малоритского, Пинского районов Брестской области» Архівавана 1 лютага 2014. (руск.)

Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.