Нінэль Сяргееўна Краўкова

Нінэль Сяргееўна Краўкова (17 сакавіка 1935, г. Чэрыкаў, Магілёўская вобласць) — беларускі архітэктар.

Нінэль Сяргееўна Краўкова
Дата нараджэння	17 сакавіка 1935(1935-03-17) (89 гадоў)
Месца нараджэння	Чэрыкаў, Чэрыкаўскі раён, БССР, СССР
Альма-матар	БПІ (1958)
Месца працы	Мінскпраект Галоўдзяржбудэкспертыза[d]
Член у	Саюз архітэктараў СССР Беларускі саюз архітэктараў

Біяграфія

Скончыла Беларускі політэхнічны інстытут у 1958 годзе. Працавала архітэктарам, кіраўніком групы архітэктараў, брыгады ў Мінскпраекце, з 1979 года — кіраўнік сектара, брыгады, галоўны спецыяліст аддзела Дзяржэкспертызы ў Белдзяржпраекце.

Член Саюза архітэктараў СССР з 1969 года. Пражывае ў Мінску.

Творчасць

Палац мастацтваў

Асноўныя працы (у аўтарскім калектыве): жылыя дамы па вул. Сурганава (1963), у мікрараёне Зялёны Луг-4 (1965—1968), Палац мастацтваў (1970), комплекс інтэрнатаў (1971—1978) у Мінску.

Літаратура

• Кравкова Нинель Сергеевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)