Ордэн Мастацтваў і літаратуры

Ордэн Мастацтваў і літаратуры
Ордэн Мастацтваў і літаратуры
I ступені
II ступені
III ступені
Арыгінальная назва	фр.: L'Ordre des Arts et des Lettres
Краіна	Францыя
Тып	ордэн
Дата заснавання	2 мая 1957 года
Статус	уручаецца
Чарговасць узнагарод
Старэйшая	Ордэн Марскіх заслуг
Малодшая	Медаль за ўцёкі з палону (фр.: Médaille des Évadés)
Сайт	culture.gouv.fr/N… (фр.)
	Медыяфайлы на Вікісховішчы

Ордэн Маста́цтваў і літарату́ры (фр.: L'Ordre des Arts et des Lettres) — ведамасная ўзнагарода Францыі, якая знаходзіцца ў распараджэнні Міністэрства культуры Францыі. Нярэдка выкарыстоўваецца іншы варыянт перакладу назвы ўзнагароды: ордэн Маста́цтваў і (вы́танчанай) славе́снасці.

Гісторыя

Ордэн Мастацтваў і літаратуры — адна з чатырох ведамасных узнагарод (ордэн Акадэмічных пальмаў, ордэн Сельскагаспадарчых заслуг і ордэн Марскіх заслуг), захаваных пры ордэнскай рэформе 1963 года, якая скасавала шматлікія ведамасныя ордэны заслуг на карысць аднаго новазаснаванага ордэна «За заслугі».

Ордэн быў заснаваны дэкрэтам № 57-549 ад 2 мая 1957 года з мэтай узнагароджання «асоб, якія вызначыліся сваімі дасягненнямі ў мастацкай або літаратурнай галіне або ўкладам, які яны ўнеслі ў распаўсюджванне мастацтва і літаратуры ў Францыі і ў свеце»^[1]. Рашэнне аб узнагароджанні прымае Міністр культуры і камунікацый Францыі пры садзейнічанні Савета ордэна. Савет складаецца з 8 членаў «па праве» (міністр і начальнікі ўпраўленняў і ўстаноў Міністэрства культуры і сувязі) і 8 членаў, якія назначаюцца на 3 гады Міністрам (1 член Савета ордэна Ганаровага легіёна і 7 заслужаных дзеячаў культуры і камунікацый).

У статут ордэна некалькі разоў уносіліся змены, у асноўным адносна складу Рады ордэна і памераў штогадовых квот на лік узнагароджанняў.

Ступені ордэна

Ордэн Мастацтваў і літаратуры складаецца з трох ступеней:

Камандор (фр.: Commandeur) — знак на стужцы, які носіцца на шыі; вышэйшая ступень ордэна;

Афіцэр (фр.: Officier) — знак на стужцы з разеткай, які носіцца на левым баку грудзей;

Кавалер (фр.: Chevalier) — знак на стужцы, які носіцца на левым баку грудзей.

Зноскі

↑ Décret n° 57-549 du 2 mai 1957 portant institution de l'ordre des Arts et des Lettres

Літаратура

André Souyris-Rolland. Guide des ordres civils français et étrangers, des médailles d’honneur, des médailles de sociétés. — Paris: Préal — Supcam, 1979. — 148 p.
Jacques Demougin. Les décorations françaises. — Paris: Trésor du patrimoine, 2003. — 95 p. — ISBN 2-911468-99-6.

Спасылкі

culture.gouv.fr/N… (фр.) — афіцыйны сайт

[1] Décret n° 57-549 du 2 mai 1957 portant institution de l'ordre des Arts et des Lettres

[1]