Павел Васілевіч Масленікаў

Па́вел Васі́левіч Ма́сленікаў (14 лютага 1914, в. Нізкая Вуліца, Магілёўская губерня — 6 верасня 1995) — беларускі мастак, жывапісец, мастацтвазнаўца, педагог. Народны мастак Беларусі (1994).

Павел Васілевіч Масленікаў
Фатаграфія
Дата нараджэння 14 лютага 1914(1914-02-14)
Месца нараджэння
Дата смерці 6 верасня 1995(1995-09-06)[1] (81 год)
Месца смерці
Грамадзянства
Дзеці Уладзімір Паўлавіч Масленікаў
Род дзейнасці мастак
Жанр пейзаж
Вучоба
Уплыў на Яўген Ждан
Прэміі
Дзяржаўная прэмія Рэспублікі Беларусь
Узнагароды
ордэн Айчыннай вайны II ступені Ордэн «Знак Пашаны»
Заслужаны дзеяч мастацтваў Беларускай ССР Народны мастак Беларусі
Commons-logo.svg Працы на Вікісховішчы

БіяграфіяПравіць

Павел Васілевіч Масленікаў нарадзіўся 14 лютага 1914 ў вёсцы Нізкая Вуліца, Магілёўская губерня. Скончыў Віцебскае мастацкае вучылішча (1938) і Інстытут жывапісу, скульптуры, архітэктуры імя І. Я. Рэпіна ў Ленінградзе (1953). У 1953—1957 гадах — вучыўся ў аспірантуры Інстытута мастацтвазнаўства, этнаграфіі і фальклора Акадэміі Навук БССР без адрыву ад вытворчасці.

З 1938 года працаваў у Дзяржаўным тэатры оперы і балета Беларусі.

У 19411945 гадах удзельнічаў у Вялікай Айчыннай вайне. З 1946 па 1960 гады Масленікаў працаваў мастаком-пастаноўшчыкам у Беларускім дзяржаўным акадэмічным Вялікім тэатры оперы і балета. Аформіў спектаклі: у тэатры оперы і балета «Трыльбі» А. Юрасоўскага (1940), «Бахчысарайскі фантан» Б. Асаф’ева і «Прададзеная нявеста» Б. Сметаны (1949), «Салавей» М. Крошнера і «Дэман[ru]» А. Рубінштэйна (1950), «Паяцы» Р. Леанкавалы і «Запарожац за Дунаем» С. Гулак-Арцямоўскага (1951), «Іаланта» П. Чайкоўскага і «Страшны двор» С. Манюшкі (1952), «Маладая гвардыя» Ю. Мейтуса (1954), «Міхась Падгорны» Я. Цікоцкага (1957), «Яснае світанне» А. Туранкова (1958), «Джаконда» А. Панкелі (1962) і інш[2].

У Беларускім тэатры імя Я. Купалы: «Цудоўны скарб» П. Малярэўскага (1949), «Шчасце паэта» В. Віткі (1959), «Пінская шляхта» В. Дуніна-Марцінкевіча (1954)[2].

З 1960 па 1964 год займаў пасаду рэктара Беларускага тэатральна-мастацкага інстытута. У 1965—1967 кіраваў майстэрняй тэатральных мастакоў БДТМІ.

З 1967 па 1979 г. — загадчык кафедры мастацкага афармлення тканін і вырабаў з іх.

Займаўся афармленнем спектакляў у Беларускім тэатры імя Я. Купалы.

Аўтар пейзажаў: «Жнівень» (1953), «Хвоі» (1956), «Перад цвіценнем» (1957), «Золата бярозы» (1959), «Пачатак вясны» (1961), «Беларускі пейзаж» i «На ўскраіне Мінскай» (1963), «Над возерам» i «Абуджэнне» (1969), «Азёрны край» (1970), «На Вячы» (1971), серыі «Па родным краі» i «Алтайскі цыкл» (1972), «На раўнінах Палесся» (1980) і іншыя. Аўтар манаграфіі «Беларускі савецкі тэматычны жывапіс» (1962), артыкула па мастацтве Беларусі для «Гісторыі мастацтва народаў СССР» (т. 8, 1977); адзін з аўтараў «Гісторыі беларускага мастацтва» (т. 4—6, 1990—1994).

У 1978 годзе П. В. Масленікаў выйшаў на пенсію.

У 1994 годзе ў Магілёўскім абласным мастацкім музеі адкрыта карцінная галерея П. В. Масленікава, з 1997 года музей носіць імя мастака, побач з музеем усталяваны яго бюст працы скульптара У. Лятуна.

Памёр Павел Васілевіч Масленікаў 6 верасня 1995 года ў вёсцы Княжыцы Гарадзецкага сельсавета Шклоўскага раёна Магілёўскай вобласці.

Бацька жывапісца Уладзіміра Масленікава.

Узнагароды і прэмііПравіць

ГалерэяПравіць

Зноскі

ЛітаратураПравіць

  • История Могилёва: Мультимедийный проект// Беляева Г. Н., СШ № 34: Разработка и дизайн МГКУП «ЦГИС», 2006—2010. DVD