Павел Вент (Вэнт) (сапраўднае імя: Павел Фёдаравіч Вендт) (17 чэрвеня 1880, маёнтак Крыніца, Мінская губерня, Расійская імперыя — да 1971, Прага[1], Чэхаславакія) — афіцэр расійскай арміі (1900—1918), генерал-маёр БНР (1919—1921), падпалкоўнік чэхаславацкай арміі (1921—1935)[2].

Павел Вент
Павел Фёдаравіч Вендт
Дата нараджэння 17 чэрвеня 1880(1880-06-17)
Месца нараджэння
Дата смерці да 1971
Месца смерці
Месца пахавання
Альма-матар
Род войскаў пяхота
Званне генерал-маёр БНР

БіяграфіяПравіць

Нарадзіўся ў шляхецкай лютэранскай сям’і абруселых немцаў. Скончыў Кадэцкі корпус, Міхайлаўскае артылерыйскае вучылішча, электратэхнічныя курсы (інстытут), ваенна-аўтамабільную школу, Мікалаеўскую ваенную акадэмію з дадатковым курсам Генеральнага штаба. Падчас Грамадзянскай вайны ў Расіі — начальнік штаба Заходняй (Беларускай) арміі, камандзір Крымскага коннага палка. Быў у прыязных адносінах з генералам Сакіра-Яхантавым, галоўным інспектарам па фарміраванні Добраахвотніцкай арміі. Пасля выдзялення, са згоды французаў, Урадам УНР сродкаў на фарміраванне беларускіх часцей, у Адэсе пачалося фарміраванне беларускай дывізіі, яе камандзірам быў прызначаны П. Вент, якому неўзабаве надалі генеральскі званне[3]. Камандзір Асобнай беларускай дывізіі на поўдні Расіі і прадстаўнік БНР пры штабе войскаў Кааліцыі. Падчас эвакуацыі ў канцы сакавіка — пачатку красавіка 1919 года французаў і «добраахвотнікаў» з Адэсы, мусіла эвакуіравацца і беларуская дывізія, аднак камандзір дывізіі П. Вент застаўся ў Адэсе і перайшоў на бок бальшавікоў. Бальшавікі на базе дывізіі пачалі фарміраванне беларускай савецкай брыгады, якая неўзабаве налічвала ўжо 10 тысяч байцоў, камандаваў брыгадай генерал П. Вент. Нацыянальна настроеныя афіцэры выступалі за перадыслакацыю брыгады ў Мінск, каб выбіць адтуль бальшавікоў, але гэта не было дазволена, у Адэсе пачалося паўстанне М. Грыгор’ева да якога далучыўся П. Вент. Паўстанне было задушана і Венту давялося ўцякаць, брыгада была адпраўлена на фронт[4]. Інструктар Генеральнага штаба Літоўскай арміі і вайсковы радца пры Вайскова-дыпламатычнай місіі БНР у Эстоніі і Латвіі, генерал-маёр БНР, асабіста ўпаўнаважаны Радай народных міністраў БНР весці перамовы з урадам Эстоніі пра прызнанне Эстоніяй незалежнасці БНР і пра пасрэдніцтва Эстоніі з урадам Савецкай Расіі. Ліставаўся з камандзірам Асобнага атрада БНР у Эстоніі — генералам С. Булак-Балаховічам па пытаннях фарміравання атрада.

Пахаваны на Вышаградскіх могілках.

Зноскі

  1. Генерал БНР Павел Вент: на службе Беларуси и Чехии, 28.03.2019 // PULSE
  2. Генерал БНР Павел Вент: на службе Беларуси и Чехии, 28.03.2019 // Tip.by
  3. Архівы Беларускай Народнай Рэспублікі… Т. 1, кн. 1. — С. 552.
  4. Архівы Беларускай Народнай Рэспублікі… Т. 1, кн. 1. — С. 553.

ЛітаратураПравіць

  • Архівы Беларускай Народнай Рэспублікі: У 2-х кн. / Склад. С. Шупа. — Вільня — Нью-Ёрк — Менск — Прага: Беларускі інстытут навукі і мастацтва. Таварыства беларускага пісьменства, 1998. — 1721 с.