Павел Леанідавіч Паканечны

Павел Леанідавіч Паканечны (нар. 28 чэрвеня 1971, в. Ашмянцы Ваўкавыскага раёна Гродзенскай вобласці) — беларускі спецыяліст па надзвычайных сітуацыях, дэпутат Палаты прадстаўнікоў Нацыянальнага сходу Рэспублікі Беларусь.

Павел Леанідавіч Паканечны
Нараджэнне	28 чэрвеня 1971(1971-06-28) (52 гады) Ашмянцы, Ваўкавыскі сельсавет, Ваўкавыскі раён, Гродзенская вобласць, БССР, СССР
Адукацыя	Універсітэт грамадзянскай абароны МНС Рэспублікі Беларусь
Дзейнасць	палітык
Узнагароды

Біяграфія

Скончыў Камандна-інжынерны інстытут МНС Рэспублікі Беларусь.

Праходзіў службу пажарным, камандзірам аддзялення, начальнікам каравала, намеснікам начальніка часці, намеснікам начальніка аддзела, начальнікам Ваўкавыскага раённага аддзела па надзвычайных сітуацыях установы «Гродзенскае абласное ўпраўленне МНС Рэспублікі Беларусь».

Выбіраўся дэпутатам Ваўкавыскага раённага Савета Дэпутатаў дваццаць сёмага і дваццаць восьмага склікання, дэпутатам Гродзенскага абласнога Савета дэпутатаў дваццаць восьмага склікання, дэпутатам Палаты прадстаўнікоў Нацыянальнага сходу Рэспублікі Беларусь сёмага склікання.

Узнагароды

Узнагароджаны медалём «За бездакорную службу» III ступені.