Павел Пятровіч Буцько

Павел Пятровіч Буцько
Павел Пятровіч Буцько
Род дзейнасці	палітык, рэвалюцыянер, ваенны, матрос
Дата нараджэння	14 лютага 1901
Месца нараджэння	Калядзічы, Пружанскі павет, Гродзенская губерня, Літоўскае генерал-губернатарства, Расійская імперыя;
Дата смерці	14 снежня 1986 (85 гадоў)
Грамадзянства	Расійская імперыя; Польская Рэспубліка; СССР;
Партыя	Камуністычная партыя Заходняй Беларусі;
Член у	Камуністычны саюз моладзі Заходняй Беларусі; Камуністычная партыя Кубы;
Прыналежнасць	СССР і Інтэнацыянальныя брыгады
Бітвы/войны	грамадзянская вайна ў Іспаніі;

Павел Пятровіч Буцько (14 лютага 1901, в. Калядзічы, цяпер Пружанскі раён — 14 снежня 1986) — дзеяч рэвалюцыйнага руху ў Заходняй Беларусі, рэвалюцыянер-інтэрнацыяналіст^[1].

Біяграфія

Член КПЗБ з 1924 года. Адзін са стваральнікаў арганізацый КПЗБ і КСМЗБ у Палескім ваяводстве Польшчы. У 1925—1927 гадах за рэвалюцыйную дзейнасць зняволены ў турмах Пружан і Брэста. У 1927 годзе ўцёк за мяжу праз Германію і Францыю, на падпольнай рабоце ў Кампартыі Кубы^[1].

Удзельнік нацыянальна-рэвалюцыйнай вайны ў Іспаніі, капітан інтэрнацыянальнай брыгады 46-й ударнай камуністычнай дывізіі (1937—1938). Ваяваў на Мадрыдскім і Арагонскім франтах. З канца 1938 года ў Францыі, потым вярнуўся на Кубу, працаваў у апараце ЦК Кампартыі. У час Другой сусветнай вайны матрос гандлёвага флоту ЗША, які дастаўляў грузы ў СССР.

З 1949 года на радзіме^[1], зведаў ганенні^[2]. Да 1964 года працаваў у калгасе^[2].

↑ ^а ^б ^в Бутько Павел Петрович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 93. — 737 с.
↑ ^а ^б ЭГБ 1994, с. 141.

Клімец М. Буцько Павел Пятровіч // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — С. 141. — 20 000 экз. — ISBN 5-85700-142-0.