Вікіпедыя

Павел Іванавіч Сядзько

беларускі футбаліст
(Пасля перасылкі з Павел Сядзько)

Павел Сядзько (нар. 3 красавіка 1998) — беларускі футбаліст, паўабаронца мінскага «Дынама» і былы ігрок нацыянальнай зборнай Беларусі.

Футбол
Павел Сядзько
Агульная інфармацыя
Поўнае імя Павел Іванавіч Сядзько
Нарадзіўся 3 красавіка 1998(1998-04-03)[1][2] (27 гадоў)
Грамадзянства  Беларусь
Рост 178 см
Вага 65 кг[4]
Пазіцыя паўабаронца
Інфармацыя пра клуб
Клуб Беларусь Дынама (Мінск)
Нумар 17
Клубная кар’ера[* 1]
2015—2021 Беларусь Дынама (Брэст) 90 (14)
2019—2020 →  Беларусь Рух (Брэст) 32 (8)
2021—2022 Расія Тарпеда (Масква) 9 (0)
2022 Беларусь Гомель 17 (4)
2023— Беларусь Дынама (Мінск) 21 (5)
Нацыянальная зборная[* 2]
2016—2017 Беларусь Беларусь (да 19) 6 (0)
2017—2020 Беларусь Беларусь (да 21) 12 (1)
2017—2022 Беларусь Беларусь 11 (1)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 29 чэрвеня 2022
Лагатып Вікісховішча Медыяфайлы на Вікісховішчы

Клубная кар’ера

правіць

Выхаванец брэсцкага «Дынама», з 2015 года пачаў выступаць за дубль. 14 верасня 2015 года дэбютаваў у Вышэйшай лізе, выйшаўшы на замену на 78-й хвіліне матча з «Белшынай» (2:1). Неўзабаве стаў трапляць і ў стартавы склад брэстчан, а 5 кастрычніка забіў свой першы гол у наймацнейшым дывізіёне — у браму мінскага «Дынама». Па заканчэнні сезона 2015 цікавасць да паўабаронцы стаў праяўляць барысаўскі БАТЭ[5], аднак паўабаронца застаўся ў Брэсце.

У сезоне 2016 ужо быў іграком асноўнага складу, звычайна выхадзіў на замену. З чэрвеня 2017 года стаў трывала з’яўляцца ў стартавым складзе, аднак у кастрычніку зноў пачаў выхадзіць на замену. У сезоне 2018 з’яўляўся на полі нерэгулярна.

У сакавіку 2019 года быў аддадзены ў арэнду брэсцкаму «Руху»[6], а ў ліпені арэнда была падоўжана да канца года[7]. Замацаваўся ў стартавым складзе «Руха» і дапамог камандзе выйсці ў Вышэйшую лігу. У першай палове 2020 года гуляў за «Рух» у Вышэйшай лізе, а ў ліпені 2020 года вярнуўся з арэнды ў «Дынама»[8], дзе стаў чаргаваць выхады ў стартавым складзе і на замену.

У лютым 2021 года падпісаў новы кантракт з «Дынама»[9]. Стаў адным з лідараў каманды, забіўшы за сезон 7 галоў у чэмпіянаце Беларусі. У верасні 2021 года па пагадненні бакоў пакінуў брэсцкі клуб[10] і хутка быў заяўлены за маскоўскае «Тарпеда»[11]. Правёў 9 матчаў у сезоне 2021/22, па выніках якога клуб выйшаў у Прэм’ер-лігу. У чэрвені 2022 года па пагадненні бакоў кантракт быў датэрмінова разарваны[12], і неўзабаве паўабаронца падпісаў пагадненне з «Гомелем»[13], дзе замацаваўся ў аснове.

У снежні 2022 года падпісаў кантракт з мінскім «Дынама»[14]. Па выніках сезона 2023 дапамог камандзе стаць чэмпіёнам Беларусі. У снежні 2023 года падоўжыў кантракт з дынамаўцамі[15].

Міжнародная кар’ера

правіць

У лістападзе 2016 года ў складзе юніёрскай зборнай Беларусі (да 19 гадоў) прымаў удзел у кваліфікацыйным раўндзе чэмпіянату Еўропы і дапамог беларускай зборнай выйсці ў элітны раўнд.

1 верасня 2017 года дэбютаваў у моладзевай зборнай Беларусі, калі выйшаў у стартавым складзе адборачным матчы чэмпіянату Еўропы 2019 супраць Грэцыі (0:2) і быў выдалены ў другім тайме. У далейшым стаў адным з асноўных ігракоў моладзевай зборнай.

9 лістапада 2017 года дэбютаваў у нацыянальнай зборнай Беларусі, адгуляўшы першы тайм таварыскага матча супраць Арменіі (1:4). Пазней доўгі час не выклікаўся ў зборную, зноў трапіў у яе склад, калі згуляў 2 чэрвеня 2021 года ў таварыскім матчы супраць Азербайджана (1:2), выйшаўшы на замену ў другім тайме.

Дасягненні

правіць

Статыстыка выступленняў

правіць
Сезон Дывізіён Клуб Краіна Матчы Галы
2015 Д1 Дынама (Брэст)   8 1
2016 Д1 Дынама (Брэст)   12 1
2017 Д1 Дынама (Брэст)   22 1
2018 Д1 Дынама (Брэст)   16 3
2019 Д2 Рух   21 6
2020 (1) Д1 Рух   11 2
2020 (2) Д1 Дынама (Брэст)   12 1
2021 (1) Д1 Дынама (Брэст)   20 7
2021/22 Д2 Тарпеда   9 0
2022 (2) Д1 Гомель   17 4
2023 Д1 Дынама (Мінск)   21 5

Крыніцы

правіць
  1. ↑ Pavel Sedko // Transfermarkt — 2000. Праверана 9 кастрычніка 2017.
  2. ↑ Pavel Sedko // FBref
  3. ↑ https://dinamo-minsk.by/blr/asnouny-sklad/2023/syadzko-pavel
  4. ↑ https://www.fcgomel.by/team/main-roster/pavel-sedko/
  5. ↑ БАТЭ интересуется полузащитником брестского «Динамо» Седько (руск.). by.tribuna.com.
  6. ↑ В брестском "Динамо" не осталось "брестских"? Седько отдали в аренду в "Рух" (руск.). football.by (29 сакавіка 2019). Праверана 29 студзеня 2024.
  7. ↑ Павел Седько остается в «Рухе» (руск.)(недаступная спасылка). Афіцыйны сайт брэсцкага «Руха» (24 ліпеня 2019). Архівавана з першакрыніцы 26 ліпеня 2019.
  8. ↑ Брестские "Динамо" и "Рух" обменялись игроками (руск.). football.by (1 ліпеня 2020). Праверана 29 студзеня 2024.
  9. ↑ Павел Седько подписал контракт с брестским "Динамо" (руск.). football.by (21 лютага 2021). Праверана 29 студзеня 2024.
  10. ↑ Брестское "Динамо" официально объявило о расставании с Седько (руск.). football.by (21 верасня 2021). Праверана 29 студзеня 2024.
  11. ↑ Павел Седько - в московском «Торпедо» (руск.). football.by (23 верасня 2021). Праверана 29 студзеня 2024.
  12. ↑ Московское "Торпедо" объявило о досрочном расторжении контракта с Седько (руск.). football.by (27 чэрвеня 2022). Праверана 29 студзеня 2024.
  13. ↑ Павел Седько стал игроком "Гомеля" (руск.). football.by (1 ліпеня 2022). Праверана 29 студзеня 2024.
  14. ↑ Павел Седько стал игроком минского "Динамо" (руск.). football.by (8 снежня 2022). Праверана 29 студзеня 2024.
  15. ↑ Столичное "Динамо" пролонгировало соглашения с тремя футболистами (руск.). football.by (29 снежня 2023). Праверана 29 студзеня 2024.
Узята з "https://be.wikipedia.org/w/index.php?title=Павел_Іванавіч_Сядзько&oldid=4757752"