Пагранічны слуп (Багушы)

Пагранічны слуп (польск.: Słup graniczny w Boguszach) — гістарычны пагранічны слуп каля в. Багушы Элкскага павета Вармінска-Мазурскага ваяводства Польшчы.

Славутасць
Пагранічны слуп
53°41′30″ пн. ш. 22°26′59″ у. д.
Краіна	Польшча
Вёска	Багушы
Тып будынка	пагранічны слуп
Дата пабудовы	1545 год
Пагранічны слуп на Вікісховішчы

Гісторыя

Пастаўлены ў 1545 годзе на трайным стыку Вялікага Княства Літоўскага, Прускага герцагства і Каралеўства Польскага як напамін пра дэмаркацыю граніц паміж краінамі.

Слуп пазначаў трайны стык 24 гады — у 1569 годзе была падпісана Люблінская унія, паводле ўмоў якой Падляшскае ваяводства перайшло пад уладу Каралеўства Польскага.

Архітэктура

Гербы Вялікага Княства Літоўскага і Прускага герцагства

Дошка з гербамі і лацінскім надпісам

Пагранічны слуп вышынёй каля 6 метраў уведзены з цэглы, атынкаваны і пакрыты чырвонай дахоўкай. На ўсходняй сцяне знаходзіцца мармуровая дошка з дзяржаўнымі гербамі Вялікага Княства Літоўскага і Прускага герцагства, а таксама надпісам на лацінскай мове. Арыгінальная дошка была знята ў 1907 годзе і вывезена ў Кёнігсберг, на яе месца ўсталявана копія з вапняку.

Спасылкі

• На Вікісховішчы ёсць медыяфайлы па тэме Пагранічны слуп (Багушы)