Падлессе Камянецкае

Падле́ссе Камяне́цкае (трансліт.: Padliessie Kamianieckaje, руск.: Подлесье Каменецкое) — вёска ў Брэсцкім раёне Брэсцкай вобласці. Уваходзіць у склад Мухавецкага сельсавета. Размешчана за 18 км на паўднёвы ўсход ад Брэста, на ўсходзе меліярацыйныя каналы, на захадзе — р. Каменка (прыток р. Мухавец).

Вёска Падлессе Камянецкае Краіна Беларусь Вобласць Брэсцкая Раён Брэсцкі Сельсавет Мухавецкі Каардынаты 51°59′51″ пн. ш. 23°49′26″ у. д. Насельніцтва ▲142 чал. (2009) Часавы пояс UTC+3 Тэлефонны код +375 162 Паштовы індэкс 225006 Аўтамабільны код 1 Падлессе Камянецкае на карце Беларусі ±

Падлессе Камянецкае на Вікісховішчы

У складзе дзяржаўнага ўнітарнага сельскагаспадарчага прадпрыемства «Племзавод «Мухавец» (цэнтр — пас. Мухавец).

Гісторыя

У 19 стагоддзі вёска ў Брэсцкім павеце Гродзенскай губерні. Уваходзіла ў склад маёнтка Камяніца Біскупская. У 1858 годзе ўласнасць графіні Краснінскай. У 1870 годзе вёска — цэнтр сельскай грамады. У 1886 годзе дзейнічала царкоўна-прыходская школа, карчма.

У 1905 годзе вёска ў Камянец-Жыровіцкай воласці Брэсцкага павета Гродзенскай губерні. Паводле Рыжскага мірнага дагавора 1921 года ў складзе Польшчы, у Камянец-Жыровіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну нямецка-фашысцкія акупанты знішчылі вёску. У студзені 1949 года арганізаваны першы калгас, які аб'яднаў 37 гаспадарак.

Насельніцтва

• 200 сялянскіх душ (1858)
• 30 двароў, 240 жыхароў (1886)
• 367 жыхароў (1905)
• 150 двароў, 730 жыхароў (1940)
• 140 жыхароў (1959)
• 265 жыхароў (1970)
• 56 гаспадарак, 117 жыхароў (1997)
• 62 гаспадаркі, 137 жыхароў (2005)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Падлессе Камянецкае