Падстраўнікавая залоза

Падстраўнікавая залоза (таксама: падстраўніца; лац.: pancreas) — орган стрававальнай сістэмы пазваночных. У рыб падстраўнікавая залоза слаба адасобленая, больш выразнае вылучэнне ў самастойны орган назіраецца ў амфібій. У птушак і млекакормячых падстраўнікавую залозу абгінае дванаццаціперсная кішка.

У чалавека падстраўнікавая залоза ляжыць ззаду страўніка на задняй брушной сценцы ў regio epigastrica, заходзячы сваёй левай часткай у левае падрабрынне. Ззаду прылягае да ніжняй полай вены, левай нырачнай вены і аорты.

Пры ўскрыцці цела ў ляжачым становішчы яна сапраўды ляжыць пад страўнікам, адсюль і яе назва. У нованароджаных яна размяшчаецца вышэй, чым у дарослых; на ўзроўні XI-XII грудных пазванкоў.

Гл. таксама

• Падстраўнікавая залоза чалавека
• Зорчатая клетка падстраўнікавай залозы
• Страваванне
• Гармоны