Свята-Пакроўская царква (Магілёў)

Свята-Пакроўская царква — існавала ў канцы XVII — пачатку XX стагоддзя ў Магілёве. Пабудаваная з цэглы ў традыцыях Магілёўскай школы дойлідства. Адноўлена ў 2022 годзе.

Праваслаўны храм
Свята-Пакроўская царква
Фота да 1918 года
53°53′34,12″ пн. ш. 30°20′07,32″ у. д.
Краіна	Вялікае Княства Літоўскае
Горад	Магілёў
Архітэктурны стыль	Магілёўская школа дойлідства
Першае згадванне	1570
Дата скасавання	1949
Стан	адноўлена ў 2022 годзе
Медыяфайлы на Вікісховішчы

Архітэктура

Царква да 1941 года

Аднаўленне Пакроўскай царквы

Прамавугольны ў плане крыжова-купальны храм. Ва ўсходняй частцы ён завяршаўся трыма паўцыліндрычнымі апсідамі, у заходняй — прытворам і дзвюма рызніцамі па баках асноўнага аб’ёму. Над сяродкрыжжам узвышаўся васьмігранны светлавы барабан, накрыты сферычным купалам з цыбулепадобнай галоўкай на высокай васьміграннай шыйцы. Тарцы асноўнага аб’ёму і крылы трансептаў завяршаліся трохвугольнымі франтонамі з паўцыркульнымі нішамі ў цэнтры. Вуглы аб’ёмаў і сцены рызніц былі дэкарыраваны пілястрамі, аконныя праёмы мелі паўцыркульную форму. Па перыметры будынак быў апяразаны тонкапрафіляваным карнізам. У інтэр’еры чатыры масіўныя слупы пры дапамозе ветразяў падтрымлівалі барабан купала.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• Свята-Пакроўская царква (Магілёў) на сайце Radzima.org
• Свята-Пакроўская царква (Магілёў) на сайце Праваслаўная архітэктура Беларусі (бел.)
• В Могилеве освятили место под строительство храма Покрова Божией Матери // сайт Могилёвской епархии