Палёўка земляная

Палёўка земляная, палёўка падземная (Microtus subterraneus) — від грызуноў сямейства хамяковых.

Палёўка земляная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Glires Атрад:  Грызуны Падатрад:  Myomorpha Надсямейства:  Muroidea Сямейства:  Хамяковыя Падсямейства:  Палёўкі Род:  Microtus Від:  Палёўка земляная
Міжнародная навуковая назва
Microtus subterraneus de Sélys-Longchamps, 1836
Ахоўны статус
Выклікаюць найменшыя асцярогі IUCN 3.1 Least Concern : / 13489
Сістэматыка на Віківідах Выявы на Вікісховішчы ITIS   632893 NCBI   137712 EOL   1179671

Апісанне

Даўжыня цела да 10, хваста да 3,8 см. Па колеру поўсці падобная да палеўкі звычайнай з больш яркім бурым адценнем.

Пашырэнне

Пашырана ў Еўропе, Малой Азіі, на Каўказе. Сустракаецца на Украіне, у Варонежскай, Курскай, Цвярской, Валагодскай абласцях Расіі. На Беларусі зрэдку трапляецца ў Белавежскай пушчы, на поўдні Палесся. Жыве ў зарасніках кустоў, на ўскрайках шыракалістых лясоў, на палях.

Асаблівасці біялогіі

Корміцца жалудамі, каранямі, насеннем травяністых раслін. Робіць запасы корму на зіму ў норах.

Жыве ў норах. Штогод 3—4 прыплоды, па 3—4 дзіцяняці ў кожным.

Літаратура

• Палёўка земляная // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.