Пашпарт грамадзяніна Беларусі

Пашпарт грамадзяніна Рэспублікі Беларусь — дакумент, які выдаецца грамадзянам Рэспублікі Беларусь для ўнутранага карыстання і для ажыццяўлення паездак за мяжу. Да 1 верасня 2021 года ў Беларусі асноўным дакументам, які сведчыў асобу, з’яўляўся пашпарт грамадзяніна Рэспублікі Беларусь узору 1996 года, які дзейнічаў як для ўнутранага карыстання, так і для выезду за мяжу. 1 верасня 2021 года былі ўведзены ў абарачэнне дакументы новага ўзору — ID-картка (для ўнутранага карыстання) і біяметрычны пашпарт (для выезду за мяжу)[1]. Пры гэтым атрыманне ID-карткі і біяметрычнага пашпарта не з’яўляецца абавязковым, пашпарт узору 1996 года з’яўляецца дзейным (у тым ліку і для выезду за мяжу) да заканчэння ўказанага ў іх тэрміну. Па стане на лістапад 2021 года ёсць магчымасць выбару, які дакумент атрымліваць — пашпарт узору 1996 года або ID-картку і біяметрычны пашпарт (пры неабходнасці).

Біяметрычны пашпарт Рэспубікі Беларусь узору 2021 года
Першая старонка пашпарта з надпісамі «Пашпарт грамадзяніна Рэспублікі Беларусь» на беларускай, рускай і англійскай мовах.

Пашпарт выдаецца грамадзянам у любым узросце. Пры дасягненні 14-гадовага ўзросту кожны грамадзянін мусіць атрымаць пашпарт. Пашпарт выдаецца не болей, чым на 10 гадоў. Раней пашпарт мусілі атрымліваць па дасягненні 16-гадовага ўзросту і па 25, 45, 100 і 125 гадоў выдаўся новы пашпарт.[2].

Пашпарт узору 1996 года правіць

Дзеючы ўзор пашпарта зацверджаны ў 2010 годзе. У пашпарт узору 1996 гады перыядычна ўносіліся змены. У прыватнасці, у 2000-х гадах была павялічана колькасць старонак (для віз і інш.).

Змешчаная інфармацыя правіць

У пашпарт уносяцца наступныя звесткі аб асобе грамадзяніна:

  • Прозвішча, імя, імя па бацьку (калі такое маецца); усе літары загалоўныя.
  • Лік, месяц, год нараджэння.
  • Месца нараджэння; указваць, калі народжаны (народжана) у Рэспубліцы Беларусь.
  • Ідэнтыфікацыйны нумар.
  • Пол.
  • У пашпарце павінен быць подпіс уладальніка, подпіс службовай асобы і найменне органа, які аформіў пашпарт, а таксама дата выдачы пашпарта і тэрмін яго дзеяння.
  • Таксама ўносяцца адзнакі аб дзецях уладальніка пашпарта, якія не дасягнулі 16-гадовага ўзросту, у адпаведнасці з заканадаўствам.
  • Уносіцца адзнака аб уступленні ў шлюб

Тэрмін дзеяння правіць

Пашпарт выдаецца грамадзянам у любым узросце. Пры дасягненні 14-гадовага ўзросту кожны грамадзянін абавязаны атрымаць пашпарт[3]. Тэрмін дзеяння пашпарта — 10 гадоў (раней у пашпартоў грамадзяніна РБ, выдадзеных пасля 45-гадовага ўзросту, тэрмін дзеяння ўказваўся да дасягнення імі 100-гадовага ўзросту. Такія пашпарты сапраўдныя як унутраныя і цяпер, але не заўсёды прыдатныя для выезду за мяжу. Ва ўсіх пашпартоў, якія выдаюцца ў апошнія гады, указаны тэрмін дзеяння на працягу 10 гадоў незалежна ад узросту ўладальніка).

Выдача і абмен пашпарта правіць

 
Старонка пашпарта з ідэнтыфікацыйным нумарам грамадзяніна

Выдача і абмен пашпарта ажыццяўляецца ў сувязі з:

  • дасягненнем 14 гадоў;
  • заканчэннем тэрміну дзеяння;
  • зменай прозвішча, імя, імя па бацьку;
  • выдаткаваннем лістоў, прызначаных для віз;
  • зменай палавой прыналежнасці;
  • непрыдатнасцю для выкарыстання;
  • устанаўленнем недакладнасці ў запісах;
  • пры часовым выездзе за мяжу грамадзян, якія не дасягнулі 14-гадовага ўзросту;
  • стратай (крадзяжом) пашпарта;
  • набыццём грамадзянства Рэспублікі Беларусь;
  • выездам з Рэспублікі Беларусь на пастаяннае месца жыхарства.

Адзнакі правіць

У пашпарце вырабляюць адзнакі:

  • пра ўступленне ў шлюб: прозвішча, імя, імя па бацьку (калі такое маецца), год нараджэння мужа (жонкі), месца і час рэгістрацыі шлюбу, нумар актавага запісу;
  • пра скасаванне шлюбу;
  • пра месца жыхарства ўладальніка пашпарта;
  • пра пастаноўку на консульскі ўлік;
  • пра зняцце з консульскага ўліку;
  • іншыя адзнакі ў адпаведнасці з заканадаўствам.
  • Са згоды грамадзяніна ў пашпарце запісваюцца звесткі пра групу і рэзус — належнасці крыві, а таксама пра нацыянальную належнасці ўладальніка пашпарта.

Коды рэгіёнаў у нумары пашпарта правіць

ID-картка ўзору 2021 года правіць

 
[4]
ID-картка будзе змяшчаць
  • фотавыяву (лічбавы фотапартрэт) уладальніка;
  • прозвішча, уласнае імя, імя па бацьку (калі такое маецца) уладальніка;
  • чысло, месяц, год нараджэння ўладальніка;
  • пол уладальніка;
  • месца нараджэння ўладальніка;
  • грамадзянства (падданства) уладальніка (пры наяўнасці);
  • ідэнтыфікацыйны нумар;
  • від дакумента;
  • нумар дакумента;
  • код Рэспублікі Беларусь;
  • чысло, месяц, год выдачы дакумента; код органа, які выдаў дакумент;
  • чысло, месяц, год заканчэння тэрміну дзеяння дакумента;
  • машыназлічальную зону;
  • выяву подпісу ўладальніка, які дасягнуў чатырнаццацігадовага ўзросту, або іншаземца, які набыў дзеяздольнасць у поўным аб’ёме ў адпаведнасці з заканадаўствам Рэспублікі Беларусь (за выключэннем выпадкаў, калі адабраць узор подпісу фізічна немагчыма);
  • двухмерны штрых-код (QR-код), які змяшчае закадаваную інфармацыю пра ўладальніка дакумента (прозвішча, уласнае імя, імя па бацьку (калі такое ёсць), чысло, месяц, год нараджэння), інфармацыю пра дакумент (нумар, чысло, месяц, год выдачы, чысло, месяц, год заканчэння тэрміну дзеяння) і ідэнтыфікацыйны нумар;
  • інтэгральную мікрасхему, якая змяшчае электронны сродак біяметрычнай ідэнтыфікацыі з персанальнымі данымі ўладальніка біяметрычнага дакумента ў адпаведнасці з патрабаваннямі міжнароднай арганізацыі па грамадзянскай авіяцыі (ICAO) і крыптаграфічны токен аўтэнтыфікацыі.

Біяметрычны пашпарт узору 2021 года правіць

 

Узор біяметрычнага пашпарта зацверджаны ў 2021 годзе. [5]

Біяметрычны пашпарт грамадзяніна Рэспублікі Беларусь (далей — біяметрычны пашпарт) — дакумент, які пацвярджае грамадзянства і які сведчыць асобу ўладальніка ў мэтах выезду з Рэспублікі Беларусь і ўезду ў Рэспубліку Беларусь, а таксама знаходжання і пражыванні за межамі Рэспублікі Беларусь.

У біяметрычны пашпарт убудавана інтэгральная мікрасхема (чып), якая змяшчае электронны сродак біяметрычнай ідэнтыфікацыі з персанальнымі дадзенымі ўладальніка біяметрычнага дакумента ў адпаведнасці з патрабаваннямі міжнароднай арганізацыі па грамадзянскай авіяцыі (ICAO)

Асабісты нумар правіць

  • Першая лічба: 1 — мужчына, які нарадзіўся ў XIX ст., 2 — жанчына, якая нарадзілася ў XIX ст., 3 — мужчына, які нарадзіўся ў XX ст., 4 — жанчына, якая нарадзілася ў XX ст., 5 — які нарадзіўся ў XXI ст., 6 — жанчына, якая нарадзілася ў XXI ст.
  • Шэсць наступных лічбаў: дзень, месяц і год нараджэння.
  • Літара — код рэгіёну, дзе атрыманы пашпарт: А — Мінск, В — Мінская вобласць, С — Брэсцкая вобласць, К — Гродзенская вобласць, Е — Віцебская вобласць, М — Магілёўская вобласць, Н — Гомельская вобласць.
  • Тры наступных лічбы: парадкавы нумар чалавека, які звярнуўся па пашпарт, сярод тых, хто нарадзіўся з ім у адзін дзень і год.
  • Наступныя дзве літары — адзнака грамадзянства: GB и РВ — грамадзянін Рэспублікі Беларусь, ВА — асоба без грамадзянства, які стала пражывае ў Беларусі, BI — замежны грамадзянін, які стала пражывае ў Беларусі.
  • Апошняя лічба — кантрольная лічба.

Пашпарты, якія дзейнічалі на тэрыторыі Рэспублікі Беларусь да 1 ліпеня 2004 года правіць

Пашпарты, якія дзейнічалі на тэрыторыі Рэспублікі Беларусь да 1 ліпеня 2004 года [6]:

Ілюстрацыі правіць

Зноскі

  1. [1]што гэта?
  2. Пашпарты беларускім грамадзянам будуць выдавацца на 10 год. Грамадства: Беларусь // БЕЛТА
  3. УУС Мінаблвыканкама. Выдача пашпарта грамадзяніну Рэспублікі Беларусь (руск.)(недаступная спасылка). Архівавана з першакрыніцы 2 студзеня 2017. Праверана 2017-02 -10.
  4. mpt.gov.by. Биометрические документы (руск.). mpt.gov.by. Праверана 4 лютага 2023.
  5. [1]
  6. Отдел кадров. ПРАВО - Законодательство Республики Беларусь.. pravo.kulichki.com. Архівавана з першакрыніцы 20 сакавіка 2018. Праверана 20 сакавіка 2018.

Спасылкі правіць