Паўль Одэрборн (Paul Oderborn; каля 1555, Барт у Заходнім Памор'і — 1604) — дзеяч лютэранскай царквы ў ВКЛ, пісьменнік.

Паўль Одэрборн
Асабістыя звесткі
Дата нараджэння каля 1555
Месца нараджэння
Дата смерці 1604[1][2][3]
Прафесійная дзейнасць
Род дзейнасці пісьменнік

БіяграфіяПравіць

Нарадзіўся ў мястэчку Барт у Заходняй Памераніі каля 1555 г. Адукацыю атрымаў у Ростаку.

З 1577 года служыў прапаведнікам у лютэранскай кірсе ў Вільні, удзельнічаў у рэлігійных дыспутах і палемічнай перапісцы з прадстаўнікамі іншых канфесіяў, у прыватнасці, з Янам Ласіцкім.

У 1582 годзе ў Ростаку выдаў на лацінскай мове трактат «Апавяданне пра рэлігію і звычаі рускіх» (De Russorum religione), у якім выклаў свае ўражанні ад побыту і рэлігійнага жыцця беларусаў і рускіх, адным з першых сярод заходнееўрапейскіх аўтараў ужыў назву Белая Русь у дачыненні да паўночнаўсходняй Беларусі. Трактат Одэрборна перавыдаваўся ў складзе падобнай па назве і змесце працы Ласіцкага і іншых выданняў кампілятыўнага зместу.

У 1587 годзе ў Гродна вітаў абранне каралём і вялікім князем Жыгімонта III Вазы, атрымаў ад яго пасаду лютэранскага пастара ў Рызе. На аўдыенцыі ў Жыгімонта пазнаёміўся з турэцкім паслом, былым арыянінам з Трансільваніі, і завязаў з ім перапіску па-арабску. Пазней служыў пастарам у сталіцы Курляндыі Мітаве.

Зноскі

  1. https://www.ipsb.nina.gov.pl/a/biografia/pawel-oderborn
  2. Paul Oderborn // Czech National Authority Database
  3. Paul Oderborn // NUKAT — 2002.

ЛітаратураПравіць

СпасылкіПравіць