Паўнамоцнае прадстаўніцтва БССР пры СНК РСФСР

Паўнамоцнае прадстаўніцтва БССР пры СНК РСФСР
Паўнамоцнае прадстаўніцтва БССР пры СНК РСФСР
	; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
Агульная інфармацыя
Дата стварэння	24 сакавіка 1921 года
Дата скасавання	10 кастрычніка 1924 года
Кіраўніцтва дзейнасцю ажыццяўляе	СНК БССР
Штаб-кватэра	Масква, Малая Нікіцкая вул., 18

У гэтай старонкі няма правераных версій, хутчэй за ўсё, яе якасць не ацэньвалася на адпаведнасць стандартам.

Паўнамоцнае прадстаўніцтва Беларускай Савецкай Сацыялістычнай Рэспублікі пры Савеце Народных Камісараў Расійскай Савецкай Федэратыўнай Сацыялістычнай Рэспублікі (паўпрадства БССР пры СНК РСФСР) — дзяржаўны дыпламатычны орган, які ўваходзіў у сістэму выканаўчай улады і ажыццяўляў сваю дзейнасць пад кіраўніцтвам Савета Народных Камісараў БССР.

Стварэнне

Пастановай Цэнтральнага выканаўчага камітэта БССР ад 21 сакавіка 1921 г. было прынята Палажэнне аб паўнамоцным прадстаўніцтва БССР пры РСФСР. 24 сакавіка 1921 года ў Маскве было адкрыта паўнамоцнае прадстаўніцтва БССР пры ўрадзе РСФСР, створанае на аснове Дамовы аб ваенным і гаспадарчым саюзе. Прадстаўніцтву ставілася ў абавязак абараняць інтарэсы рэспублікі на ўсіх узроўнях і ва ўсіх цэнтральных органах. Мэтай Прадстаўніцтва была каардынацыя дзейнасці і абагульненне практычнай работы органаў і ўстаноў абедзвюх рэспублік.

Паўнамоцнае Прадстаўніцтва падпарадкоўвалася Народнаму камісарыяту замежных спраў БССР, уваходзіла ў склад дыпламатычнага корпуса РСФСР і карысталася дыпламатычным імунітэтам і прывілеямі, падтрымлівала афіцыйныя кантакты з НКЗС РСФСР) і дыпламатычнымі прадстаўніцтвамі іншых краін, акрэдытаваных у Маскве. З 22 жніўня 1921 года кіраўніком НКЗС БССР становіцца А.Чарвякоў, які стаў ажыццяўляць агульнае кіраўніцтва дзейнасцю Паўнамоцнага прадстаўніцтва БССР пры ўрадзе РСФСР.

Склад

Паўнамоцны прадстаўнік БССР пры ўрадзе РСФСР — Міхаіл Іванавіч Мароз;
Адказны сакратар з правам подпісу дакументаў — Рыгор Яфімавіч Парэчын;
Камендант асабняка на Малой Нікіцкай, 18 — Канстанцін Іосіфавіч Станкевіч;
Упаўнаважаны Цэнтрасаюза — Апанас Тодаравіч Анташэўскі;
Адказны сакратар паўнамоцнага Прадстаўніцтва з 1923 г. — Уладзімір Мікалаевіч Дубоўка.

Асноўныя напрамкі дзейнасці ў 1921—1924 гадах

Адстойванне фінансавых інтарэсаў БССР;
Вяртанне на радзіму кваліфікаваных спецыялістаў, неабходных для аднаўлення разбуранай вайной гаспадаркі, для будаўніцтва новай дзяржавы; забеспячэння БССР медыкаментамі і тэхнікай;
Вяртанне культурных і царкоўных каштоўнасцяў, вывезеных з тэрыторый Беларусі падчас Першай сусветнай і Грамадзянскай войнаў; адстойванне тэрытарыяльных інтарэсаў БССР (вяртанне тэрыторый, якія былі адабраны ад Беларусі ў 1919 г.);
Дзейнасць па арганізацыі ўласна працы паўпрадства (рашэнне праблем, якія ўзнікаюць у паўпрадства ў працэсе работы і розных праблем, якія ўзнікаюць у яго супрацоўнікаў).

Літаратура

Полномочное представительство БССР при Правительстве РСФСР (Полпредство), г. Москва. НА РБ Ф.15
Снапкоўскі, У. Знешнепалітычная дзейнасць // Гісторыя Беларусі : у 6 т. / рэдкал.: М. Касцюк (гал. рэд.) [і інш.]. — Мінск: Экаперспектыва, 2000—2006. — Т. 5 : Беларусь у 1917—1945 гг. / М.Касцюк [і інш.]. — 2006. — С.115.