Плошча Тараса Шаўчэнкі (Кіеў)

Пло́шча Тара́са Шаўчэнкі — плошча ў Абалонскім раёне горада Кіева. Мясцовасць Кінь-Грусці, Мінскага масіва. Размешчана паміж вуліцамі Вышгарацкай, Сашэнка, Пушча-Вадзіцкай, Палярнай і Мінскім праспектам.

Плошча Тараса Шаўчэнкі
укр.: Площа Тараса Шевченка
Агульная інфармацыя
Краіна	Украіна
Населены пункт	Кіеў
Ранейшыя назвы	плошча Кінь-Грусць
Назва ў гонар	Тарас Рыгоравіч Шаўчэнка
Медыяфайлы на Вікісховішчы

Гісторыя

Плошча ўзнікла ў першай палове ХХ стагоддзя, называлася плошча Кінь-Грусць ад аднайменнай гістарычнай мясцовасці. Сучасная назва ў гонар ўкраінскага паэта, пісьменніка, мастака Т. Р. Шаўчэнкі — з 1959 года.

Паблізу плошчы, паміж Прыёркай, Ветранымі гарамі, Вінаградарам і Пушча-Водзіцкім лесам, размешчаны Шаўчэнкаўскі пасёлак. У жніўні 1859 года Тарас Шаўчэнка жыў у доме № 5 па Вышгарацкай вуліцы ў сям’і Барбары Мацвееўны Пашкоўскай.

Інфраструктура

Праз плошчу праходзяць аўтобусныя, тралейбусныя, трамвайныя маршруты, дзякуючы чаму можна бесперасадачна дабрацца да дзесятка станцый метро.

У паўночнай частцы плошчы знаходзіцца аўтастанцыя «Палессе», ад якой адпраўляюцца аўтобусы па маршрутах паўночнага напрамку. Ва ўсходняй частцы трамвайнае кальцо.

Спасылкі

• Плошча Тараса Шаўчэнкі(недаступная спасылка) на сэрвісе Яндэкс.Панарамы.