Полацк-Шкловалакно

ААТ «Полацк-Шкловалакно» — беларускае прадпрыемства ў г. Полацку Віцебскай вобласці.

ААТ «Полацк-Шкловалакно»
Заснаванне 1956
Галіна Хімічная прамысловасць
Сайт polotsk-psv.by

ГісторыяПравіць

Будаўніцтва пачата ў 1956 годзе. Першая чарга здадзена ў эксплуатацыю ў 1957 годзе, другая ў 1961—1963 гадах. У 1976 годзе ўведзены ў строй корпус па вытворчасці шкловалакністых краменязёмных матэрыялаў (трэцяя чарга).

3 1981 года — полацкае вытворчае аб’яднанне «Шкловалакно». У 1984 годзе здадзена ў эксплуатацыю вытворчасць па выпрацоўцы бесперапыннага шкловалакна аднастадыйным спосабам. У 1985 годзе аб’яднала першую і другую вытворчасці. 3 2000 года — сучасная назва. Запушчана новая шклоплавільная печ.

Мае культурна-спартыўны комплекс (уваходзіць Палац культуры і Дом фізкультуры), 2 бібліятэкі, паліклініку, санаторый-прафілакторый, 2 аздараўленчыя пункты, 3 дашкольныя ўстановы, музей. Выпускаецца шматтыражная газета «Трудовая смена».

ПрадукцыяПравіць

Асноўная прадукцыя: электра, цеплаізаляцыйныя і будаўнічыя матэрыялы, шкловалакно, шклонітка, шклотканіна, шклосетка, шклопластыкавыя лыжныя палкі, тэлескапічныя вудзільні і тэхнічны пластык.

Сёння прадпрыемства вырабляе больш за дзвесце відаў прадукцыі і экспартуе яе больш чым у сорак краін свету. У 2004 годзе «Полацк-Шкловалакно» атрымала экалагічны сертыфікат адпаведнасці патрабаванням нацыянальнага стандарту ІСО-14001-2000. Гэты дакумент сведчыць аб экалагічнай добранадзейнасці вытворчасці[1].

СанкцыіПравіць

З сярэдзіны 2000-х гадоў ААТ «Полацк-Шкловалакно» перманентна (з перапынкамі[2][3]) знаходзіцца ў санкцыйным спісе спецыяльна прызначаных грамадзян і заблакіраваных асоб ЗША[4][5]. Апошняе ўключэнне было ў чэрвені 2021 года[6].

Зноскі

  1. Полацк-Шкловалакно, ААТ. Полацкі раён
  2. John R. Liebman, Roszel Cathcart Thomsen II, James E. Bartlett III (2012) (in en). United States Export Controls. Wolters Kluwer(англ.) бел.. p. 2-45. ISBN 978-1-4548-0123-8. 
  3. США пом якшили санкції проти білоруських компаній(укр.) . Korrespondent.net(англ.) бел.. Праверана 21 ліпеня 2021.
  4. OFAC Sanctions List Search, Міністэрства фінансаў ЗША(англ.) бел.
  5. Steven J. Woehrel (2011) (in en). Belarus: Background and U. S. Policy Concerns. Congressional Research Service(англ.) бел.. p. 12. 
  6. Dėl tarptautinių sankcijų taikymo devynioms Baltarusijos įmonėms(літ.) . SEB bankas(ням.) бел. (2 чэрвеня 2021). Праверана 21 ліпеня 2021.

ЛітаратураПравіць

  • Бунаков, А. В новый год — новые планы! / А. Бунаков // Трудовая смена (Полоцк). — 2017. — 6 янв. — С. 1.
  • Бунаков, А. Н. Из кризиса надо выходить победителями / А. Н. Бунаков // Витебские вести. — 2016. — 28 апр. — С. 5.
  • Бурак, З. Майстры сваёй справы / З. Бурак // Звязда. — 2007. — 14 лют. — С. 1, 6.
  • Вытворчае жыццё вірлівае і цікавае, толькі паспявай адпавядаць // Звязда. — 2010. — 23 снеж. — С. 6-7.
  • На производственном совещании // Трудовая смена (Полоцк). — 2010. — 30 янв. — С. 1-4.
  • Чтобы выполнить задачи 2014 года, всем нам надо потрудиться // Трудовая смена (Полоцк). — 2014. — 8 февр. — С. 1, 3.