Помнік Пераможцу

Помнік Пераможцу (сербск.: Победник) — помнік у Бялградскай крэпасці, пастаўлены ў гонар перамогі Сербіі над Асманскай імперыяй у Першай Балканскай вайне і над Аўстра-Венгрыяй у Першай сусветнай вайне. Гэта адзін з самых вядомых твораў Івана Мештравіча.

Помнік
Помнік Пераможцу
сербск.: Победник
44°49′22,90″ пн. ш. 20°26′51,70″ у. д.
Краіна	Сербія
Горад	Бялград
Скульптар	Іван Мештравіч
Архітэктар	Іван Мештравіч
Дата заснавання	1928
Будаўніцтва	1913—1928 гады
Вышыня	14 м
Матэрыял	бронза, камень
Медыяфайлы на Вікісховішчы

Фігура пераможца з сокалам і мячом у руках

Мэр Бялграда Любамір Давідавіч (сербск.: Љубомир Давидовић) і кіраўніцтва горада ў 1912 годзе вырашылі ўзвесці помнік у гонар перамогі сербскай арміі ў Першай Балканскай вайне і вызвалення Паўднёвай Сербіі ад турэцкага валадарства. Стварэнне мемарыяла было даручана вядомаму скульптару Івану Мештравічу. Ён спраектаваў помнік у выглядзе фантана з калонай, якую вянчала статуя пераможца.

Пасля Першай сусветнай вайны ў грамадстве разгарэлася дыскусія наконт значэння помніка. Урэшце было вырашана ўсталяваць помнік на самай высокай кропцы Бялградскай крэпасці. Помнік стаў сімвалізаваць перамогу над дзвюма імперыямі, Асманскай і Аўстра-Венгерскай. Урачыстае адкрыццё помніка адбылося ў 1928 годзе і было прымеркавана да 10-й гадавіны прарыву Салонікскага фронту.

Статуя выканана ў выглядзе аголенай фігуры, якая трымае ў руках сокала і меч. Статуя накіравана ў бок Аўстра-Венгрыі.

Помнік Пераможцу — найбольш наведвальны і найбольш фатаграфаваны турыстычны аб'ект Бялграда. Штодзень яго наведвае больш за 5000 турыстаў.

Галерэя

• 
• 
• 
• 
• 
• 

Спасылкі

• На Вікісховішчы ёсць медыяфайлы па тэме Помнік Пераможцу
• Помнік Пераможцу (серб.)
• Помнікі Бялграда (серб.)