Помнік на магіле Ігната Буйніцкага

Помнік на магіле Ігната Буйніцкага — помнік у цэнтры аграгарадка Празарокі Глыбоцкага раёна Віцебскай вобласці, прысвечаны памяці беларускага акцёра, рэжысёра, тэатральнага дзеяча, заснавальніка беларускага прафесійнага тэатра Ігната Цярэнцьевіча Буйніцкага.

Помнік
Помнік на магіле Ігната Буйніцкага
Празарокі. Помнік Ігнату Буйніцкаму.jpg
Краіна Flag of Belarus.svg Беларусь
Аграгарадок Празарокі
Скульптар I. Міско
Архітэктар М. Бурдзін
Дата пабудовы 1965 год
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 213Д000409шыфр 213Д000409
Матэрыял бетон, алюміній

Ігнат Буйніцкі спачатку быў пахаваны каля Палачан, потым прах перавезены на ўскраіну вёскі Празарокі. У 1975 годзе, напярэдадні адкрыцця помніка, перапахаваны ў цэнтры вёскі.

Помнік, створаны скульптарам I. Міско і архітэктарам М. Бурдзіным, адкрыты 10 кастрычніка 1965 года. Размешчаны на прамавугольнай пляцоўцы каля магілы сярод клёнаў і ліп. Пляцоўка і дарожка выкладзены бетоннай пліткай. Помнік просты і сціплы на форме: прамавугольная (5×1 м) адлітая з бетону стэла, у яе ўрэзаны блок (0,9×0,9×0,8 м) з выявай твару Ігната Буйніцкага, выкананай у тэхніцы алюміневага ліцця. Падкрэслена тыповае ў твары: вялікі выпуклы лоб, шырокія бровы, звіслыя пышныя вусы. Па стэле дзвюма плаўнымі лініямі сімвалічна пазначана тэатральная заслона.

ЛітаратураПравіць

СпасылкіПравіць