Праспект Ракасоўскага (Мінск)

вуліца ў Мінску, Беларусь

Праспе́кт Ракасо́ўскага — магістральная вуліца ў Ленінскім раёне Мінска, кампазіцыйная вось жылога раёна Серабранка.

Праспект Ракасоўскага
Мінск
Фатаграфія
Агульная інфармацыя
Краіна Беларусь
Горад Мінск
Раён Ленінскі
Працягласць каля 3 км
Найбліжэйшыя
станцыі метро
Пралетарская,
Трактарны завод,
Партызанская
Назва ў гонар Канстанцін Канстанцінавіч Ракасоўскі
Лагатып Вікісховішча Медыяфайлы на Вікісховішчы

Названы ў гонар Канстаціна Ксавер’евіча Ракасоўскага (1896—1968), савецкага военачальніка, Маршала Савецкага Саюза, Маршала Польшчы, Двойчы Героя Савецкага Саюза.

Праспект Ракасоўскага з гмаха

Будаўніцтва пачалося ў 1970-я гады. Праспект забудаваны пераважна дзевяціпавярховымі і больш высокімі панэльнымі дамамі. У апошняе дзесяцігоддзе ўздоўж праспекта пачата ўзвядзенне вышынных маналітных і каркасна-блокавых дамоў.

Архітэктурна-планіровачная арганізацыя ансамбля праспекта Ракасоўскага звязаная з бульварам (арх. В. Звалінскі), які на ўсім працягу ад вул. Ванеева да вул. Малініна служыць для пешаходнай сувязі паміж цэнтрамі, аб’ектамі культурна-побытавага абслугоўвання і транспартнымі прыпынкамі. Фантаны і іншыя малыя архітэктурныя формы, пляцоўкі адпачынку, розныя прыёмы азелянення ствараюць спрыяльнае асяроддзе для кароткачасовага адпачынку і прагулак. Заканчваецца бульвар уваходам у парк імя Грэкавай Н. Р. на паўночным беразе Чыжоўскага вадасховішча[1].

Праспект пачынаецца ад развязкі з вуліцамі Ванеева, Трасцянецкай і Алега Кашавога, перасякае вуліцу Пляханава і канчаецца скрыжаваннем з вуліцай Малініна каля Чыжоўскага вадасховішча. Паралельна праспекту ідзе вуліца Гараўца. На ўсім працягу праспекта дзейнічае аўтобуснае і інтэнсіўнае тралейбуснае злучэнне. Найбліжэйшыя станцыі метро — Пралетарская, Трактарны завод, Партызанская — размешчаны прыкладна ў двух кіламетрах ад праспекта.

У 2011 годзе планавалася пашырыць праспект да васьмі палос і ўладкаваць уздоўж яго пешаходны бульвар з невялікімі зонамі адпачынку і веладарожкамі. Раней планавалася пусціць уздоўж праспекта лінію хуткаснага трамвая[2]. Пазней будаўніцтва трамвайнай лініі было выключана з праекта. На месцах, адведзеных пад трамвайныя пуці, былі размешчаны аўтамабільныя паркоўкі[3].

Забудова правіць

 
Фізкультурна-аздараўленчы комплекс Серабранка
 
Яслі-сад № 351
 
Кінатэатр «Салют»

Зноскі

  1. Серабранка // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
  2. Першы хуткасны трамвай пусцяць у Мінску ў 2011 годзе Архівавана 17 мая 2014.
  3. Трамвайную лінію на праспекце Ракасоўскага будаваць не будуць(недаступная спасылка)
  4. а б в г Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

Спасылкі правіць