Прыгажуня-дзяўчына

Прыгажуня-дзяўчына (Calopteryx virgo) — від стракоз сямейства прыгажунь.

Прыгажуня-дзяўчына
Самец
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Paleoptera Атрад:  Стракозы Падатрад:  Раўнакрылыя стракозы Надсямейства:  Calopterygoidea Сямейства:  Прыгажуні Падсямейства:  Calopteryginae Род:  Calopteryx Від:  Прыгажуня-дзяўчына
Міжнародная навуковая назва
Calopteryx virgo Linnaeus, 1758
Сістэматыка на Віківідах Выявы на Вікісховішчы NCBI   52613 EOL   4139772

Апісанне

Самец (злева) і самка

Крылы ў самцоў металічна-сінія, у самак — дымчатыя з зеленавата-бурымі жылкамі. Галава рухомая, вочы фасетачныя, не судатыкальныя. Даўжыня 45-49 мм, брушка 34-36 мм, задняе крыло 30-31 мм.

Пашырэнне

Распаўсюджана ў Еўропе, Паўднёвай Сібіры, сустракаецца ў Манголіі, на Карэйскім паўвостраве, у Японіі, паўночнай частцы Кітая.

Сустракаюцца паблізу ручаёў і дробных рэчак, берагі якіх пакрыты раслінасцю, аддаюць перавагу чароту і вербам. Час лёту: з красавіка па кастрычнік.

Асаблівасці біялогіі

Драпежнікі. Ротавыя органы грызучыя.

Яйцы адкладваюць у тканкі водных раслін. Лічынкі падоўжаныя, маюць 3 хваставыя шчэлепы на канцы брушка, развіваюцца ў праточных вадаёмах з ілістым дном і зараснікамі водных раслін. Цыкл развіцця двухгадовы.

Літаратура

• Пісаненка А. Д. Прыгажуні // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.