Прэм’ер-міністр Чэхіі

Старшыня Урада Чэшскай Рэспублікі (чэшск.: Předseda vlády České republiky) ці Прэм’ер-міністр Чэхіі — кіраўнік Урада Чэхіі. Прэм’ер-міністр і Урад Чэхіі разам з кіраўнікамі міністэрстваў даюць справаздачу сумесна за свае дзеянні перад Палатай дэпутатаў Парламента Чэшскай Рэспублікі. Цяперашні прэм’ер-міністр — Петр Фіяла, кіраўнік Грамадзянскай дэмакратычнай партыі, які быў прызначаны на гэтую пасаду 28 лістапада 2021 года і стаў 13-м кіраўніком Урада Чэхіі з моманту распаду ЧССР.

Прэм’ер-міністр Чэхіі Старшыня Урада Чэшскай Рэспублікі
чэшск.: Předseda vlády České republiky
Пячатка Урада Чэшскай Рэспублікі
Пасаду займае Петр Фіяла з 28 лістапада 2021
Узначальвае	Урад Чэхіі
Афіцыйная рэзідэнцыя	Віла Крамаржа, Прага
Прызначаецца	Прэзідэнт Чэхіі
Тэрмін паўнамоцтваў	4 гады
Пасада з’явілася	1 студзеня 1993
Першы на пасадзе	Вацлаў Клаус
Сайт	vlada.cz/en/vlada/premie…

Старшыня прызначаецца Прэзідэнтам Чэхіі і абавязваецца у першую чаргу сфарміраваць свой урад, якому Палата дэпутатаў абавязана даць вотум даверу. Згодна з Канстытуцыяй Чэхіі прэм’ер-міністр Чэхіі арганізуе нарады Урада і кантралюе яго дзейнасць.

Паўнамоцтвы і роля

Чэхія з’яўляецца парламенцкай рэспублікай, таму Прэм’ер-міністр і яго ўрад дае справаздачу перад Палатай дэпутатаў Парламента. Канстытуцыя прадугледжвае, што для таго, каб распачаць свае паўнамоцтвы, прэм’ер-міністр павінен атрымаць вотум даверу ад Парламента. У выніку страты даверу прэм’ер-міністр падае ў адстаўку, і прэзідэнт Чэхіі абавязаны абраць новага прэм’ер-міністра. Прэм’ер-міністр кіруе ўрадам і мае права прызначаць міністраў у ім.

Рэзідэнцыя

Афіцыйнай рэзідэнцыяй прэм’ер-міністра Чэхіі з’яўляецца віла Крамаржа (чэшск.: Kramářova vila), якая знаходзіцца па адрасе: Градчаны, вуліца Гогалава, дом 212.1. Пабудавана ў 1911—1914 гадах па праекце венскага архітэктара Фрыдрыха Амана.

• 
  Від на вілу з саду
• 
  Від на вілу з саду
• 
  Кабінет прэм'ер-міністра

Спіс кіраўнікоў

Асноўны артыкул: Спіс прэм’ер-міністраў Чэхіі