Пухіраватая іржа ігліцы хвоі
Пухіраватая іржа ігліцы хвоі — грыбковае захворванне хвоі. Яно адносіцца да групы захворванняў, званых іржамі, і выклікаецца відам Coleosporium tussilaginis[1]. Хвароба сустракаецца на двухігольных і трохігольных хвоях, часцей за ўсё на хвоі звычайнай[2].
.jpg)
Сімптомы і шкоднасць правіць
Першыя сімптомы хваробы выяўляюцца на хваёвай ігліцы ў красавіку ці маі ў выглядзе невялікіх, спачатку хларатычных, потым жоўтых плям. У месцах гэтых плям узнікае спермагонія, якую цяжка заўважыць. Праз некалькі дзён у месцах інфекцыі ствараюцца на іголках эцыдыі, якія вырабляюць эцыдыяспоры. Эцыя мае форму языка або слупка, вышынёй каля 0,5-1 мм і жаўтлявага колеру. Працэс іх стварэння працягваецца толькі з красавіка па май, тады пасля эцыдый застаюцца толькі невялікія рубцы альбо жаўтлявыя ці карычневыя плямы. Ігліца хвоі з эцыдыямі звычайна жоўкне і ападае[2].
Найбольшую шкоду хвароба наносіць у гадавальніках. Калі гэта адбываецца ў вялікай інтэнсіўнасці, гэта перашкаджае росту раслін і зніжае якасць расады[2].
Меры аховы правіць
Прадухіліць хваробу альбо, па меншай меры, абмежаваць яе, можна скошваючы альбо знішчаючы гербіцыдамі паблізу гадавальнікаў густыя зараснікі раслін, якія з’яўляюцца другімі гаспадарамі грыба Coleosporium tussilaginis[1]. Калі хвароба ўжо ёсць у гадавальніку, барацьбу з ёй праводзяць шляхам апырсквання расады адпаведнымі фунгіцыдамі[2].