Пятро Прыходзька

Пятро (Пётр Фёдаравіч) Прыходзька (нар. 25 лютага 1920 г., вёска Альшоў, Хоцімскі раён, Магілёўская вобласць — 30 лістапада 2006, Мінск) — беларускі паэт, перакладчык.

Пятро Прыходзька
Асабістыя звесткі
Дата нараджэння	25 лютага 1920(1920-02-25)
Месца нараджэння	Хоцімскі раён, Магілёўская вобласць, БССР
Дата смерці	20 лістапада 2006(2006-11-20) (86 гадоў) ці 30 лістапада 2006(2006-11-30) (86 гадоў)
Месца смерці	Мінск, Беларусь
Грамадзянства	Беларусь
Альма-матар	Магілёўскі газетны тэхнікум[d] (1938) Ленінградскі дзяржаўны інстытут журналістыкі імя В. В. Вароўскага[d] Вышэйшыя літаратурныя курсы літаратурнага інстытута імя А. М. Горкага[d] (1956)
Месца працы	Калгасная звязда[d] Во славу Родины[d] Беларусь Звязда Літаратура і мастацтва Беларусь Мастацкая літаратура
Прафесійная дзейнасць
Род дзейнасці	перакладчык, пісьменнік, паэт
Прэміі	Літаратурная прэмія імя Аркадзя Куляшова (1985)
Узнагароды

Біяграфія

Нарадзіўся ў сялянскай сям'і. У 1936 г. працаваў кіраўніком спраў Хоцімскага райкама камсамола. Пасля заканчэння Магілёўскай газетнай партыйнай школы (1938) — адказны сакратар хоцімскай раённай газеты «Калгасная звязда». У 1939 г., пасля заканчэння Хоцімскай сярэдняй школы, паступіў у Камуністычны інстытут журналістыкі імя С. М. Кірава ў Мінску. У 1940 г. прызваны ў Савецкую Армію. Удзельнічаў у баях на Бранскім фронце, на Курскай дузе, у вызваленні Беларусі, Польшчы, у баях за Берлін, за вызваленне Прагі. У пасляванны час (з 1947) працаваў у акруговай газеце «Во славу Родины» (Мінск), іншых ваенных газетах. У 1953 г. дэмабілізаваны. У 1956 г. скончыў Вышэйшыя літаратурныя курсы ў Маскве. Працаваў у часопісе «Беларусь» (1953—1954), газетах «Звязда» (1956—1957), «Літаратура і мастацтва» (1957—1961), на мінскай студыі дакументальных фільмаў (1961—1966). У 1967—1971 гг. — рэдактар выдавецтва «Беларусь», у 1972—1979 гг. — старшы рэдактар выдавецтва «Мастацкая літаратура».

Творчасць

Аўтар зборнікаў паэзіі «Голас сэрца» (1947), «Салдаты міру» (1951), «Ранак над Эльбай» (1952), «Пасля развітання» [1958), «Цёплы каравай» (1960), «Вішнёвы агонь» (1963), «Сонца раней узышло» (вершы і паэмы, 1967), «Калінавыя зоры» (вершы і паэма, 1969), «Прызнанне: Выбранае» (1970), «Не здадзеныя вышыні» (вершы і паэма, 1972), «На пераправе» (вершы і паэмы, 1974), «Лірыка» [1975), «Плацдарм» (вершы і паэма, 1978), «Лісты з даў» (выбранае, 1980), «Вячэрняя паверка» (вершы, балады, паэмы, 1982), «Парог памяці» (вершы, балады, паэмы, 1983), «Апаленыя вёрсты» (вершы, балада, паэма, 1986), «Водгулле грому» (1989), «Споведзь любові» (выбранае, 1990) і кнігі нарысаў «На новых землях» (з П.Багаценкавым, 1954). Для дзяцей выдаў зборнік вершаў «Сустрэча з маленствам» (1967), «Каляка-маляка» (1981), «Сцяблінка» (1986), паэму «Сын камунара» (1973).

Узнагароды

• Лаўрэат Літаратурнай прэміі СП БССР імя А. Куляшова (1985) за зборнік «Парог памяці».
• Узнагароджаны двума ордэнамі Чырвонай Зоркі, двума ордэнамі Айчыннай вайны II ступені і медалямі.