Пётр Іванавіч Катаводаў

Пётр Іва́навіч Катаводаў (10 мая 1900, м. Грабовец, Аўгустоўскі павет Люблінскай губерні, цяпер у Замойскім павеце Люблінскага ваяводства, Польшча — невядома) — беларускі гаспадарчы і дзяржаўны дзеяч.

Пётр Іванавіч Катаводаў
Міністр гандлю БССР 1951 — 1957
Кіраўнік урада	Аляксей Кляшчоў Кірыл Мазураў Мікалай Аўхімовіч
Папярэднік	Віктар Выхадцаў
Пераемнік	Аляксей Шаўроў
Старшыня Прэзідыума Белкаапсаюза 1939 — 1945
Папярэднік	Абрам Баскін
Пераемнік	Іван Ахрэмчык
Нараджэнне	10 мая 1900(1900-05-10) Грабовец (Замойскі павет)[d], Гміна Грабовец, Замойскі павет, Люблінскае ваяводства, Польшча
Смерць	невядома
Адукацыя	Растоўскі дзяржаўны ўніверсітэт (1926)

Біяграфія

Скончыў рабочы факультэт Растоўскага дзяржаўнага ўніверсітэта (1926).

Працоўную дзейнасць пачаў у 1912 годзе вучнем падмайстра, пасля знаходзіўся ў дзіцячым прыюце Ніжняга Ноўгарада. З 1916 года працуе рабочым завода «Серп і Молат» у г. Маскве. У 1918—1924 гадах у Чырвонай Арміі, пасля на рабоце ў Савеце Народнай Гаспадаркі і ў прамысловай кааперацыі Паўночнага Каўказа.

У 1933—1936 працуе на пасадзе старшыні праўлення Белкалесдрэўхімсаюза, з 1936 года старшыня прэзідыума Белкааппрамсаюза. У 1938 годзе абраны старшынёй праўлення Белкаапсаюза.

У часы Вялікай Айчыннай вайны ў эвакуацыі ў Маскве, з 1942 года ў складзе аператыўнай групы Белкаапсаюза арганізоўваў эвакпункты і сталовыя ў Віцебскай вобласці, працаваў у Беларускім штабе партызанскага руху.

Пасля вайны прызначаны намеснікам старшыні СНК БССР, з красавіка 1946 года начальнік Упраўлення па аднаўленню Мінска, начальнік Упраўлення сельскага і калгаснага будаўніцтва.

З 1951 года — міністр гандлю БССР, з 1957 года — персанальны пенсіянер саюзнага значэння. З кастрычніка 1958 года да 1 чэрвеня 1961 года ўзначальваў трэст № 16 «Нафтабуд», створаны для будаўніцтва Наваполацкага нафтаперапрацоўчага завода.

Дэпутат Вярхоўнага Савета БССР 2—4 скліканняў.

Літаратура

• А. В. Самуль. Гісторыя Беларускага рэспубліканскага саюза спажывецкіх таварыстваў (Белкаапсаюза) у асобах. — Мн., 2020. — С. 16. — 44 с.
• М.Шлеймович. Глава 2 // НОВОПОЛОЦК. ПЕРВЫЕ ПЯТЬДЕСЯТ ЛЕТ. — 2008. — С. 37.