Пётр Аляксандравіч Салаўёў

Пётр Аляксандравіч Салаўёў (нар. 12 ліпеня 1963, в. Кароўчына Горацкага раёна Магілёўскай вобласці) — беларускі палітык.

Пётр Аляксандравіч Салаўёў
Нараджэнне	12 ліпеня 1963(1963-07-12) (60 гадоў) Кароўчына, Дрыбінскі раён, Магілёўская вобласць, БССР, СССР
Адукацыя	Беларускі дзяржаўны ўніверсітэт харчовых і хімічных тэхналогій МДУ імя А. А. Куляшова
Дзейнасць	палітык
Месца працы	Магілёўхімвалакно
Узнагароды	Ганаровая грамата Нацыянальнага сходу Рэспублікі Беларусь

Біяграфія

Скончыў Магілёўскі тэхналагічны інстытут (інжынер-хімік-тэхнолаг), Магілёўскі дзяржаўны ўніверсітэт імя Аркадзя Куляшова (эканаміст-менеджар).

Працаваў апаратчыкам сінтэзу, начальнікам змены, начальнікам цэха, дырэктарам завода арганічнага сінтэзу, намеснікам генеральнага дырэктара па вытворчасці, галоўным інжынерам — першым намеснікам генеральнага дырэктара адкрытага акцыянернага таварыства «Магілёўхімвалакно».

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання.

Узнагароды

Узнагароджаны Падзячным пісьмом Старшыні Палаты прадстаўнікоў Нацыянальнага сходу Рэспублікі Беларусь і Ганаровай граматай Нацыянальнага сходу Рэспублікі Беларусь.