Пінскае рэальнае вучылішча
Пінскае рэальнае вучылішча — сярэдняя навучальная ўстанова, якая працавала ў Пінску. Першае рэальнае вучылішча на тэрыторыі сучаснай Беларусі[1].
Пінскае рэальнае вучылішча | |
---|---|
![]() | |
Заснавана | 1872 |
Закрыта | 1918 |
Тып | рэальнае вучылішча |
Адрас | Пінск |
![]() |
Гісторыя
правіцьУ 1857 годзе ў Пінску адкрылася гімназія, якая размясцілася ў будынку скасаванага дваранскага пяцікласнага вучылішча. У 1872 годзе пераўтвораная ў шасцікласнае рэальнае вучылішча з дадатковым сёмым класам навучання, якое стала першай падобнай установай на тэрыторыі сучаснай Беларусі[1].
Уваходзіла ў Віленскую навучальную акругу. Мела 7 класаў. На чале з дырэктарам працавалі 16 выкладчыкаў, 3 законанастаўнікі, інспектар. Выкладаліся руская, польская, нямецкая, і французская мовы, геаграфія, хімія, гісторыя, матэматыка, законазнаўства, касмаграфія, маляванне, чарчэнне, пачатковая ваенная навука, музыка, рамёствы, гімнастыка і інш[1].
У 1885 годзе ў Пінскім рэальным вучылішчы навучаліся 185 юнакоў[1].
Выпускнікі мелі перавагу пры паступленні ў вышэйшыя тэхнічныя і сельскагаспадарчыя навучальныя ўстановы, на фізіка-матэматычныя факультэты ўніверсітэтаў. Сярод выкладчыкаў былі выхаванцы вучылішча, выпускнікі Мінскай духоўнай семінарыі, Віленскага настаўніцкага інстытута, універсітэтаў Масквы, Юр’ева, Кіева, Лейпцыгскай філалагічнай семінарыі і інш.
У 1915 годзе вучылішча пераведзена ў Мазыр. У 1918 годзе скасавана[1].
У Нацыянальным гістарычным архіве Беларусі захоўваюцца дакументы, звязаныя з існаваннем Пінскага рэальнага вучылішча[2].
Вядомыя выпускнікі
правіць- Хаім Вейцман — навуковец-хімік, адзін з лідараў сіянісцкага руху, 1-ы прэзідэнт Дзяржавы Ізраіль
- Сайман Кузнец — сусветна вядомы эканаміст і нобелеўскі лаўрэат
- Міхаіл-Стэфан Іосіфавіч Курневіч — казяніцкі павятовы інжынер і архітэктар
- Арон Паўлавіч Лурыя — рускі журналіст, выдавец, сацыял-дэмакрат
- Мікалай Мацвеевіч Сакалоў — рускі грамадзянскі інжынер і галоўны архітэктар горада Растова-на-Доне з 1887 года
- Уладзіслаў-Станіслаў Аляксандравіч Чахоўскі — расійскі і польскі грамадзянскі інжынер і архітэктар
Зноскі
Літаратура
правіць- Пінскае рэальнае вучылішча // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 366. — 10 000 экз. — ISBN 985-11-0035-8. — ISBN 985-11-0198-2 (т. 12).
Спасылкі
правіцьПінскае рэальнае вучылішча на Вікісховішчы |
- Альма-матэр Хаіма Вейцмана
- 150 лет назад в Беларуси открыли первое реальное училище(недаступная спасылка) (руск.) // Тэлеканал СТБ